قازاقستانعا تاجىكستان پرەزيدەنتى ەمومالي راحمون كەلدى

استانا. قازاقپارات - پرەزيدەنت قاسىم-جومارت توقايەۆ قازاقستانعا مەملەكەتتىك ساپارمەن كەلگەن تاجىكستان پرەزيدەنتى ەمومالي راحموندى ەلوردا اۋەجايىندا قارسى الدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مارتەبەلى قوناقتىڭ قۇرمەتىنە اۋەجايدا قۇرمەت قاراۋىلى ساپ تۇزەپ تۇردى.

ساپار اياسىندا ەرتەڭ جوعارى دەڭگەيدە ەكىجاقتى كەلىسسوزدەر جۇرگىزىلەدى جانە ءبىرقاتار ماڭىزدى قۇجاتقا قول قويىلادى دەپ جوسپارلانىپ وتىر.

وسىعان دەيىن تاجىكستان پرەزيدەنتىنىڭ قازاقستانعا مەملەكەتتىك ساپارمەن كەلەتىنى حابارلاندى.