ف ي ف ا پرەزيدەنتى قازاقستان فۋتبولى تۋرالى: دۇرىس جولعا تۇسكەندەرىڭىزگە سەنىمدىمىن
باسپا ءسوز كونفەرەنتسياسى بارىسىندا جۋرناليستەر FIFA پرەزيدەنتى قازاقستان فۋتبولىنىڭ قازىرگى دەڭگەيى تۋرالى پىكىرى قانداي ەكەنىن سۇرادى.
«قازاقستان قۇراماسى تۋرالى ايتقاندا اۋەلى دانيا قۇراماسىن جەڭگەنىمەن قۇتتىقتاعىم كەلەدى. بۇل وتە كۇردەلى ويىن بولدى. قازاقستان ەۋروپاداعى ەڭ ۇزدىك قۇرامالاردىڭ ءبىرىن جەڭدى. ونىڭ ۇستىنە بۇل وتە ماڭىزدى ماتچ بولاتىن. بۇل جولداستىق كەزدەسۋ نەمەسە قالىپتى ويىن ەمەس ەدى. ارينە، دانيا قۇراماسى بۇل جەرگە تەك جەڭسەك دەپ كەلگەن بولاتىن. بۇل ءبىر ماتچ قانا دەگەنىمىزبەن، ونداعى جەڭىس مادەنيەتى باي جاس مەملەكەتتەرىڭىز ءۇشىن سيمۆولعا تولى بولدى. ەلدەرىڭىزدىڭ ءوز دەڭگەيىن ماقتان تۇتاتىنى قۇراما كوماندالارىڭىزدىڭ ويىنىنان دا كورىنىس تاۋىپ كەلەدى»، - دەدى دجانني ينفانتينو.
ونىڭ پايىمىنشا، قازاقستان قۇراماسى ۇلتتار ليگاسىنىڭ ىرىكتەۋ ويىندارىن وتە تابىستى وتكىزگەن.
«ەلدەگى بۇقارالىق فۋتبولعا سالىنىپ جاتقان ينۆەستيتسيا، قازاقستان فۋتبول فەدەراتسياسى مەن ۇكىمەتىنىڭ اراسىنداعى تىعىز بايلانىس سالانى جەمىستى ەتە تۇسەدى. بىزدە بىرگە قالاي جۇمىس ىستەي الاتىنىمىز تۋرالى بەلگىلى ءبىر يدەيالار مەن جوسپارلار بار. وسىنىڭ ءبارى قازاقستان ۇلتتىق قۇراماسىنىڭ ويىندارىندا كورىنىس تابادى. قازاقستان دۇرىس جولدا كەلە جاتقانىنا سەنىمدىمىن. سوڭعى جەتىستىكتەر - سونىڭ دالەلى»، - دەدى FIFA پرەزيدەنتى.
