جىل باسىنان بەرى قانشا ەتنيكالىق قازاق قانداس مارتەبەسىن العانى بەلگىلى بولدى
بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتتى، دەپ حابارلايدى قازاقپارات.
جالپى 1991 -جىلدان بەرى رەسپۋبليكاعا 1 ميلليون 112,6 مىڭ ەتنيكالىق قازاق ورالعان.
جىل باسىنان قازاقستانعا كەلگەن قانداستاردىڭ جارتىسى، ناقتى ايتقاندا 53,9 پايىز - وزبەكستاننان، 19,1 پايىز - قىتايدان، 12,1 پايىز - رەسەيدەن 5,6 پايىز - تۇرىكمەنستاننان، 5,7 پايىز - موڭعوليادان، جانە 1 پايىز باسقا ەلدەردەن.
كەلگەن ەتنيكالىق قازاقتار نەگىزىنەن الماتى (27,2 پايىز)، ماڭعىستاۋ (13,8 پايىز)، تۇركىستان (6,4 پايىز) جانە جامبىل (5,1 پايىز) وبلىستارىنا، سونداي-اق استانا (11 پايىز)، الماتى (8,8 پايىز) جانە شىمكەنت (7,1 پايىز) قالالارىنا قونىستاندى.
وسى جىلدىڭ 1-مامىرىنداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 68,8 پايىز، ەڭبەككە قابىلەتتى جاستان كىشى 22,9 پايىز جانە زەينەتكەرلەر 8,3 پايىز قۇرايدى.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 18 پايىز - جوعارى ءبىلىمدى، 38,6 پايىز - ورتا كاسىبي ءبىلىمدى، 37,4 پايىز - جالپى ورتا ءبىلىمدى جانە 5,9 پايىز - ءبىلىمى جوق.
