جوعالعان بالىقشىنىڭ سۇيەگى قولتىراۋىننىڭ ىشىنەن تابىلدى
65 جاستاعى كيەۆين دارموديدى سوڭعى رەت سەنبى كۇنى كۆينسلەندتىڭ سولتۇستىگىندەگى قولتىراۋىندار مەكەندەيتىن كەننەدي-بەندتە كورگەن. ەكى كۇن ىزدەستىرۋ جۇمىستارىن جۇرگىزگەن پوليتسيا وسى ولكەدەگى ەكى ۇلكەن قولتىراۋىندى ۇيىقتاتۋ شەشىمىن قابىلداعان. سولاي ولاردىڭ ىشىنەن ادام سۇيەكتەرىن تاپقان.
تابىلعان دەنەنى تۋىستارىنىڭ تانۋ شاراسى وتكىزىلمەگەن. دەگەنمەن، پوليتسيا ەر ادامدى تابۋ جۇمىستارى «قايعىلى اياقتالعانى» تۋرالى مالىمدەمە جاسادى.
كيەۆين دارمودي تاجىريبەلى بالىقشى جانە كەيپ-يورك قاۋىمداستىعىنىڭ كورنەكتى مۇشەسى بولعان. ۇزىندىعى 4,1 م جانە 2,8 م بولعان ەكى قولتىراۋىن دۇيسەنبىدە دارموديدى ادامدار سوڭعى رەت كورگەن جەردەن 1,5 شاقىرىم جەردە اتىلدى.
ادام سۇيەگى باۋىرىمەن جورعالاۋشىلاردىڭ بىرەۋىنىڭ ىشىنەن عانا تابىلدى، ءبىراق جابايى تابيعاتتى قورعاۋ قىزمەتكەرلەرى وقيعاعا ەكى جىرتقىشتىڭ دا قاتىسى بارىن ايتۋدا. سول كۇنى ك. دارموديدىڭ قاسىندا بولعان باسقا بالىقشىلاردىڭ سوزىنشە، ولار شابۋىل ءساتىن كورمەگەن، ءبىراق ونىڭ ايقايى مەن سۋدىڭ قاتتى شاشىراعان داۋىسىن ەستىگەن.
قولتىراۋىندار اۆستراليانىڭ تروپيكالىق سولتۇستىك بولىگىندە ءجيى كەزدەسەدى، ءبىراق ادامدارعا شابۋىلداۋى سيرەك بولعان ەدى. دارموديدىڭ ءولىمى 1985 -جىلى جازبالار جۇرگىزىلە باستالعاننان بەرى كۆينسلەندتەگى ولىمگە اكەلگەن 13-شى شابۋىل.
