07:56, 03 - مامىر 2023 | GMT +5
وسكەمەندە اۆتوبۋس جەر ۇيگە سوعىلدى
وسكەمەن. قازاقپارات - وسكەمەن قالاسىندا اۆتوبۋس جەر ۇيگە سوعىلدى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول-كولىك وقيعاسى ميرنىي كەنتىندەگى موستوۆايا كوشەسىندە بولعان.
«جۇرگىزۋشى اۆتوبۋستى ماس كۇيدە تىزگىندەگەن. سونىڭ سالدارىنان ءرۋلدى باسقارا الماي قالىپ، جەر ۇيگە سوعىلدى. جول اپاتى سالدارىنان ءۇي تۇرعىنى جاراقات الىپ، اۋرۋحاناعا جەتكىزىلدى»، - دەلىنگەن اقپاراتتا.
بەلگىلى بولعانداي، سول كۇنى اۆتوبۋس رەيسكە شىقپاعاندىقتان ىشتە جولاۋشىلار بولمادى.
«قوعامدىق كولىك جۇرگىزۋشىسىنە قاتىستى ق ر ا ق ب ت ك-نىڭ 608-بابىنىڭ 3-بولىگىمەن اكىمشىلىك حاتتاما تولتىرىلدى. سوت-مەديتسينالىق ساراپتاما تاعايىندالدى»، - دەلىنگەن حابارلامادا.
