17:58, 02 - مامىر 2023 | GMT +5
بوكستان الەم چەمپيوناتى: ساعىندىق توعامباي قارسىلاسىن نوكاۋتپەن ۇتتى
استانا. قازاقپارات - تاشكەنت قالاسىندا بوكستان ەرلەر اراسىندا ءوتىپ جاتقان الەم چەمپيوناتىندا ساعىندىق توعامباي قارسىلاسىن نوكاۋتپەن ۇتتى، دەپ حابارلايدى قازاقپارات ءتىلشىسى.
جاستار اراسىندا ازيانىڭ ءۇش مارتە چەمپيونى، ءدال وسىنداي الەمدىك دودادا فينالعا دەيىن جەتكەن قازاقستاندىق بوكسشى 86 كەلىگە دەيىنگى سالماقتا باستاپقى كەزدەسۋىن كونگولىق ناتان نلاندۋ مبەليمەن وتكىزدى.
ساعىندىق ەكىنشى راۋندتا قارسىلاسىن ەكى رەت نوكداۋنعا جىبەردى. ءۇشىنشى كەزەڭدە تورەشى جەكپە-جەكتى توقتاتتى.
وسىلايشا، س. توعامباي 1/8 فينالعا جولداما الدى.
بۇگىن كەشكى سەسسيادا سونداي-اق ءساناتالى تولتايەۆ رينگكە شىعادى.
ەسكە سالا كەتەيىك، بۇدان بۇرىن قازاقستاندىق قوس بوكسشىنىڭ الەم چەمپيوناتىن جەڭىسپەن باستاعانىن جازعان بولاتىنبىز.
سونداي-اق الەم چەمپيوناتىنىڭ ەكىنشى كۇنى ساعىندىق توعامباي مەن ءساناتالى تولتايەۆتىڭ رينگكە شىعاتىنى حابارلاندى.
اۆتور: كۇنسۇلتان وتارباي
