حالىق كوپ جينالاتىن جەرلەردە تەراكت جاساماق بولعانداردىڭ جولى كەسىلدى – ۇ ق ك

استانا. قازاقپارات – ق ر ۇلتتىق قاۋىپسىزدىك كوميتەتىنىڭ وكىلدەرى ەلىمىزدەگى حالىق كوپ جينالاتىن جەرلەردە قولدان جاسالعان جارىلعىش زاتتى قولدانا وتىرىپ، تەراكت جاساماق بولعانداردىڭ جولىن كەستى، دەپ حابارلايدى قازاقپارات.

بۇل تۋرالى بۇگىن ق ر ۇلتتىق قاۋىپسىزدىك كوميتەتىنىڭ بيىلعى اتقارعان جۇمىستارى ەسەپ بەرگەن كوميتەت ءتوراعاسى ەرمەك ساعىمبايەۆ ءمالىم ەتتى.

كەزدەسۋ بارىسىندا قاسىم-جومارت توقايەۆقا ۇلتتىق قاۋىپسىزدىك كوميتەتىنىڭ بولىمشەلەرى ءبىرقاتار لاڭكەستىك قىلمىستىڭ، سونىڭ ىشىندە قولدان جاسالعان جارىلعىش قۇرىلعىنى قولدانۋ ارقىلى حالىق كوپ جينالاتىن ورىنداردىڭ بىرىندە جاسالماق بولعان تەرروريستىك اكتىگە توسقاۋىل قويىلعانى جونىندە باياندالدى.

بەرىلگەن مالىمەت بويىنشا 19 ادام قاماۋعا الىندى. ەرمەك ساعىمبايەۆ تەرروريزمگە قارسى ورتالىق شتابىنىڭ جۇمىسىن ۇيلەستىرۋ كەزىندە تەررورلىق قاتەرلەرگە قارسى ءىس-ارەكەت شارالارىن جەتىلدىرۋ ءۇشىن جاتتىعۋ جيىندارى مەن دايىندىقتار وتكىزىلگەنىن حابارلادى.

سونىمەن قاتار شەت مەملەكەتتەردىڭ ارناۋلى قىزمەتتەرىنىڭ بارلاۋ ارەكەتتەرىنە قارسى ءىس-قيمىل وپەراتسيالارى جۇزەگە اسىرىلدى. انىقتالعان ءبىرقاتار فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

بۇدان بولەك، مەملەكەت باسشىسىنا قۇقىق قورعاۋ ورگاندارىمەن بىرلەسە جۇرگىزگەن كريمينوگەندىك جاعدايدى ساۋىقتىرۋ جۇمىستارىنىڭ ناتيجەسى تۋرالى باياندالدى. بيىلعى ءتورت ايدا ۇ ق ك 8 قاۋىپتى ۇيىمداسقان قىلمىستىق توپتى قۇرىقتادى. قارۋ-جاراق پەن وق-ءدارى جاساۋعا قاتىستى 7 جاسىرىن سەح جويىلدى. زاڭسىز اينالىمنان 268 قارۋ، 21 گراناتا جانە 30 مىڭنان استام وق-ءدارى تاركىلەندى. 16 ەسىرتكى لابوراتورياسىنىڭ، 11 حالىقارالىق جانە 17 وڭىرلىك ەسىرتكى كانالىنىڭ جۇمىسى توقتاتىلدى.

ۇلتتىق قاۋىپسىزدىك كوميتەتىنىڭ تەحنيكالىق بولىمشەلەرى 37,9 ميلليوننان استام كيبەرشابۋىلدى جانە ەلدىڭ ماڭىزدى ينفراقۇرىلىم نىساندارىنا باعىتتالعان 1948 DDoS- شابۋىلعا تويتارىس بەردى.