ءبىرقاتار مەديتسينالىق اناليز ناتيجەلەرى ونلاين ۇسىنىلماق
بۇگىندە بارلىق مەديتسينالىق تالداۋ ناتيجەلەرىن سەرۆيسكە ەنگىزۋ بويىنشا جۇمىس ءجۇرىپ جاتىر. بۇل تۋرالى دەنساۋلىق ساقتاۋ ۆيتسە- ءمينيسترى بەيبىت ەسەنبايەۆ ءمالىم ەتتى، دەپ حابارلايدى قازاقپارات ءتىلشىسى.
«ءبىزدىڭ مينيسترلىك سيفرلىق دامۋ جانە اەروعارىش ونەركاسىبى مينيسترلىگىمەن بىرلەسىپ egov Mobile موبيلدىك قوسىمشاسىندا «eDensaulyq» سەرۆيسىن ىسكە قوستى. وندا دونورلىق مارتەبە، ەلەكتروندىق رەتسەپتتەر، مەديتسينالىق قارسى كورسەتىلىمدەر، جۇكتى ايەلدەردى ەسەپكە الۋ جانە ديسپانسەر، ەمدەۋگە جاتقىزۋ، زەرتحانالىق تالداۋلار ناتيجەلەرى جانە اۋرۋحانا پاراقتارى بويىنشا كەڭەيتىلگەن اقپارات ۇسىنىلعان. مىسالى، «جالپى اقپارات» بولىمىندە پاتسيەنتتىڭ قاي مەديتسينالىق ۇيىمعا تىركەلگەنى، ۋچاسكەسى جانە دارىگەر تولتىرعان دەرەكتەرمەن تانىسۋعا بولادى»، - دەدى بەيبىت ەسەنبايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ۆيتسە- ءمينيستردىڭ ايتۋىنشا اتالعان قىزمەت ارقىلى پاتسيەنتتىڭ مىندەتتى الەۋمەتتىك مەديتسينالىق ساقتاندىرۋ جۇيەسىندەگى مارتەبەسى جانە سوڭعى رەت تولەمنىڭ قاشان جاسالعانىن كورۋگە بولادى.
«سونىمەن قاتار، ەندى پاتسيەنتتەر مەديتسينالىق تالداۋلاردىڭ ناتيجەسىنە ونلاين قول جەتكىزە الادى. بارلىق مەديتسينالىق اناليز ناتيەجەلەرىن سەرۆيسكە ەنگىزۋ بويىنشا جۇمىس جۇرگىزىلۋدە. eDensaulyq سەرۆيسى دەربەس مەديتسينالىق دەرەكتەرگە قول جەتكىزۋدىڭ ءبىرىڭعاي كوزى جانە ناتيجەگە جىلدام قول جەتكىزۋگە مۇمكىندىك بەرەدى. eDensaulyq» سەرۆيسىنىڭ اياسى كەزەڭ- كەزەڭىمەن كەڭەيە تۇسەدى. جاقىن ارادا قان توبى جانە باسقا دا اقپاراتتار قوسىلادى»، - دەيدى ول.
