بەتىڭىزدەگى بەزەۋ قانداي ۋايىمىڭىز بار ەكەنىنەن حابار بەرەدى

استانا. قازاقپارات - دەنساۋلىققا قاتىستى پروبلەمالار كوبىنە ورگاندار جۇمىسىنىڭ بۇزىلۋىمەن بايلانىستى بولىپ شىعادى.

الايدا كەيدە سەزىمدەر مەن ەموتسيالار دا دەنساۋلىققا اسەر ەتەدى. بەزەۋ پسيحوسوماتيكاسى تۇرعىسىنان، بەتكە بورپتە نە ءۇشىن شىعادى جانە ودان ارىلۋ ءۇشىن نە ىستەۋ كەرەك؟

تەرى - ادامنىڭ ەڭ ۇلكەن ورگانى، ول قورعانىش فۋنكتسياسىنىڭ ءرولىن اتقارادى. ول - دەنە مەن سىرتقى الەم اراسىنداعى دانەكەر. تەرى اۋرۋى بولمايدى، ول ىشكى پروبلەمالاردىڭ سالدارى دەگەن دە پىكىر بار.

ەموتسيالىق تەپە-تەڭدىك جوعالسا دا، ول تەرىگە اسەر بەرەدى. مىسالى، ءبىز قورىققاندا، تەرى بوزارادى، ۇيالعاندا، ول قىزارادى، ال اشۋلانعاندا، تەرى تىتىركەنەدى.

ال ەگەر ءبىر رەتتىك ىشكى جانجالدار سوزىلمالىعا اينالسا نە بولادى؟ مىسالى، ءبىزدى مازالايتىن ءبىر نارسەنى باسىمىزدا اينالدىرىپ، ويلاي بەرسەك، ول اۋرۋ تۇرىندە جاڭىلىس بەرەدى: تەرى پروبلەماسى پايدا بولۋى دا مۇمكىن.

پسيحوسوماتيكا بويىنشا، بەتتەگى بەزەۋلەردىڭ سەبەبى:

- ماڭدايداعى بەزەۋ: ادام اقىماق بولىپ كورىنۋدەن جانە بىرەۋدىڭ سەنىمىن اقتاماۋدان قورقادى؛

- بەتتەگى بەزەۋ: ءوزىن ەشكىمگە قاجەت ەمەس سەزىنەدى، ماڭىزدى ادامداردىڭ نازارى جەتىسپەيدى؛

- ەرىندەگى بەزەۋ: كومپلەكستەردىڭ بولۋى جانە تۇيىقتىق؛

- مۇرىنداعى بەزەۋ - قانداي دا ءبىر سەبەپپەن مازاسىزدانۋدىڭ سوزىلىپ كەتۋى؛

- يەكتەگى بەزەۋ - تۋىستارمەن كەلىسپەۋشىلىك، ءوزىن-ءوزى قۇنسىزداندىرۋ؛

- ءىرى بەزەۋلەر: وزىنە نەمەسە بىرەۋگە نارازىلىق سەزىمى؛

- ۇساق بەزەۋلەر: ءوزىن-ءوزى تومەن باعالاۋ.

ونىمەن قالاي كۇرەسۋ كەرەك؟

ءوز-وزىمەن جانە مامانمەن جۇمىس ىستەۋ كەرەك. مىسالى، پسيحوتەراپيا كومەگىمەن ىشكى بۇزۋشى سەزىمدەردى جەڭۋگە بولادى. سونداي-اق پارالەل تۇردە ىشكى ورگاندار پروبلەماسىن انىقتاپ، دارىگەر كەڭەسىن الىپ، ەمدەۋدى قولعا الۋ قاجەت.