ا ق ش- تا تاعى ءبىر ءىرى بانك بانكروتقا ۇشىرادى

استانا. قازاقپارات - كەيىنگى 2 اي ىشىندە ا ق ش- تا ءۇشىنشى بانك بانكروتقا ۇشىرادى. كاليفورنيا شتاتىنىڭ بيلىگى First Republic بانكىن جاۋىپ، ونىڭ اكيۆتەرىن دەپوزيتتەرگە كەپىلدىك بەرۋ جونىندەگى فەدەرالدى كورپوراتسيانىڭ كەڭسەسىنە وتكىزدى، دەپ حابارلايدى قازاقپارات ءتىلشىسى bloomberg.com سايتىنا سىلتەمە جاساپ.
None

ەندى First Republic- ءتىڭ بارلىق دەپوزيتى مەن اكتيۆتەرى ا ق ش- تىڭ ەڭ ءىرى بانكى ساناتالاتىن JPMorgan-عا بەرىلەدى. ايتا كەتەيىك، بانكروت بولعان بانكتىڭ اكسيالارى وتكەن اپتادا %75- عا دەيىن قۇلدىراعان ەدى. ءمالىم بولعانداي، وعان First Republic- ءتىڭ «سيليكون القابىنداعى» ءىرى يپوتەكالىق نەسيەلەرى مەن اۋقاتتى ادامدارعا كرەديت بەرۋدىڭ بىرەگەي ستراتەگياسى سەبەپ بولعان.

JPMorgan بانكى First Republic- ءتىڭ 173 ميلليارد دوللار نەسيە، 30 ميلليارد دوللار باعالى قاعاز جانە 92 ميلليارد دوللارعا باعالانعان دەپوزيتتەرىن يەلەنۋ ءۇشىن تەندەر ۇتىپ الدى.

8 شتاتتاعى First Republic بانكىنىڭ 84 كەڭسەسى 1-مامىردان باستاپ JPMorgan بولىمشەلەرى رەتىندە اشىلدى. وسىلايشا، بانكروت بولعان بانكتىڭ بارلىق سالىمشىلارى JPMorgan سالىمشىلارى اتاندى.

جالپى، 2022 -جىلدىڭ سوڭىندا First Republic ا ق ش- تاعى ەڭ ءىرى 14- بانك سانالعان، وندا 7,8 مىڭنان استام ادام جۇمىس ىستەگەن.

قوسا كەتسەك، بۇعان دەيىن ا ق ش- تىڭ ءىرى بانكتەرى Silicon Valley مەن Silvergate Bank بانكروتقا ۇشىرادى.

ال، 2008 -جىلعى داعدارىستى بولجاعان ەكونوميست نۋريەل رۋبيني تاياۋدا ا ق ش- تاعى جۇزدەگەن بانك بانكروتقا ۇشىراۋى مۇمكىن ەكەنىن ءمالىم ەتتى.


سوڭعى جاڭالىقتار