گەرمانيادا ءبىرىڭعاي جول ءجۇرۋ بيلەتى قولدانىسقا ەنگىزىلدى
تۇرعىنداردى قوعامدىق كولىكتى پايدالانۋعا تارتۋ ناۋقانى اياسىندا گەرمانيادا جول ءجۇرۋ بيلەتى قولدانىسقا ەنگىزىلدى. ءبىرىڭعاي بيلەتتىڭ باعاسى - 49 ەۋرو.
ەل تۇرعىندارى 1-مامىردان باستاپ وسى بيلەتپەن پويىزدا، ترامۆاي، اۆتوبۋس، مەترو مەن پارومداردا جۇرە باستادى. تەك جۇردەك پويىزدار مەن الىس قاشىقتىققا قاتىنايتىن اۆتوبۋستاردا جولاقىسى بولەك تولەنەدى.
كولىك ءمينيسترىنىڭ مالىمدەۋىنشە، بۇل - «اۋانىڭ لاستانۋىن ازايتۋعا جانە قىمباتشىلىق داعدارىسىن ەڭسەرۋگە» باعىتتالعان قادام.
جول ءجۇرۋ بيلەتىن سمارتفوندارداعى قوسىمشا ارقىلى نەمەسە چيپ-كارتا تۇرىندە پايدالانۋعا بولادى. بولجام بويىنشا، بۇل بيلەتتىڭ باعاسى بىرتە-بىرتە قىمباتتاۋى مۇمكىن.
وتكەن جىلدىڭ جازىندا، 1-ماۋسىم مەن 31-تامىز ارالىعىندا گەرمانيادا 9 ەۋرولىق جول ءجۇرۋ بيلەتى بولعان. ونى 50 ميلليون استام ادام پايدالانعان.
ايتا كەتسەك، جەكە كولىكتەن باس تارتۋ يدەياسى ليۋكسەمبۋرگتە ءتيىمدى جۇزەگە اسقان. ول جاقتا ءۇش جىل بۇرىن قوعامدىق كولىكتە ءجۇرۋ تەگىن بولدى.
