جولىمبەت اۋىلىندا «اتا ءداستۇر اسىل قازىنا» اتتى مادەني شارا ءوتتى
اۋىل تۇرعىندارىنىڭ رۋحاني تۇرمىسىن بايىتىپ، حالقتىق سپورت قيمىلدارىن جانداندىرۋ ماقساتىندا وتكىزىلگەن بۇل شارادا ارقان تارتۋ، قول كۇرەس، جىلىك سىندىرۋ، ات ب ءا يگەسى، بالۋان، قىزقۋۋ، جاياۋ جارىس(جۇگىرۋ) سىندى سپورت تۇرلەرىنە كەزەك بەرىلدى. اۋىل ونەرپازدارى شاعىن كونسەرت قويىپ، شاراعا جينالعان كوپتىڭ كوڭىلىن كوتەردى.
- ءبىز بۇل شارانى ورازا ايت مەرەكەسى كۇنى وتكىزۋدى جوسپارلاعان ەدىك. الايدا اۋا رايىنىڭ قولايسىزدىعىنا بايلانىستى بۇگىن، ياعني «بىرلىك كۇنى» قارساڭىندا وتكىزىپ جاتىرمىز. شارانى وتكىزۋگە اۋىلىمىزدىڭ بەلسەندى ازاماتتارى ۇيتقى بولدى. اۋىل تۇرعىندارى دا ايرىقشا ىقىلاس تانىتىپ، شارانى وتكىزۋگە ايانباي ات سالىستى. ءبىز بۇل شارانى اۋلىمىزدىڭ بۇقارالىق سپورت قيمىلدارىن جانداندىرىپ، ات سپورتى ويىندارىن دامىتۋعا قوزعاۋشىلىق جاساۋ ماقساتىندا ۇيىمداستىردىق. بۇل شارا الداعى ۋاقىتتا دا جالعاسىن تاپسا دەيمىز. اۋدان، وبلىس جاعىنان كەنتتەردە وسىنداي شارالار ۇيىمداستىرىپ، وتكىزىپ تۇرسا، نۇر ۇستىنە نۇر بولار ەدى، - دەدى وسى شارانى ۇيىمداستىرعان بەلسەندى ازاماتتاردىڭ ءبىرى بەردەنبەك توقاي.
