وقۋشىلاردىڭ العان ءبىلىمىن ومىردە قانشالىقتى قولداناتىنىنا مونيتورينگ جۇرگىزىلىپ جاتىر

استانا. قازاقپارات - بيىل ءبىلىم الۋشىلاردىڭ ءبىلىم جەتىستىكتەرىنىڭ مونيتورينگىن وتكىزۋ كەزىندە اكادەميالىق ادالدىق قاعيداتتارىنىڭ ساقتالۋىن باقىلاۋعا ق ر وقۋ-اعارتۋ مينيسترلىگىنىڭ قىزمەتكەرلەرى، ءبىلىم سالاسىنداعى ساپانى قامتاماسىز ەتۋ كوميتەتىنىڭ اۋماقتىق دەپارتامەنتتەرى، «ورلەۋ» بىلىكتىلىكتى ارتتىرۋ ۇلتتىق ورتالىعى جانە پەداگوگيكالىق ج و و قىزمەتكەرلەرى تارتىلدى، دەپ حابارلايدى قازاقپارات.

وتكىزۋ فورماتى حالىقارالىق زەرتتەۋلەر سەكىلدى - ستاندارت بويىنشا ءار اۋديتوريادا تەست- اكىمشىلەر بولادى.

ءبىلىم سالاسىنداعى ساپانى قامتاماسىز ەتۋ كوميتەتىنىڭ باسقارما باسشىسى دينارا ءابىلقانوۆانىڭ ايتۋىنشا، مونيتورينگ فۋنكتسيونالدىق ساۋات دەڭگەيىن باعالاۋعا جانە العان ءبىلىمىن مەكتەپ قابىرعاسىندا جانە ومىرلىك جاعدايلاردا قولدانا بىلۋگە باعىتتالعان.

«ءبىلىم ساپاسى تۋرالى ناقتى دەرەك الۋ ءۇشىن كوپتەگەن ەلدەر ءبىلىم الۋشىلاردىڭ وقۋ جەتىستىكتەرىن ۇلتتىق دەڭگەيدە ۇنەمى باعالاپ وتىرادى. وسىلايشا، ماڭىزدى سۇراقتارعا جاۋاپ الادى. وقىتۋ قانشالىقتى جۇيەلەنگەن؟ وقۋشىلاردىڭ ءبىلىم الۋ دەڭگەيى قانداي جانە ولار قوعامعا ەنۋگە قانشالىقتى دايىن؟ مىنە، وسى سۇراقتارعا جاۋاپ الۋ ءبىزدىڭ ءبىلىم بەرۋ جۇيەمىز ءۇشىن دە ماڭىزدى. تەك ببجم- ءنىڭ وبەكتيۆتى ناتيجەسى عانا دۇرىس قورىتىندى جاساۋعا جانە ءتيىستى شەشىم قابىلداۋعا مۇمكىندىك بەرەدى»، - دەيدى باسقارما باسشىسى.

تەستىلەۋ مەملەكەتتىك باقىلاۋ نىسانى ەمەس. سونداي-اق ءبىلىم الۋشى، ءبىلىم بەرۋ ۇيىمدارى ءۇشىن دە قۇقىقتىق سالدارى جوق.

ب ب ج م- گە 4- جانە 9- سىنىپتاردان 50 مىڭنان استام وقۋشى قاتىسادى.

1472 مەكتەپتە ءۇش باعىت بويىنشا كومپيۋتەرلىك كەشەندى تەستىلەۋ وتكىزىلەدى. ول - وقۋ، ماتەماتيكا جانە جاراتىلىستانۋ ساۋاتى.

مونيتورينگ 26- ءساۋىر مەن 11- مامىر ارالىعىندا ءوتىپ جاتىر.