قىتاي ازاماتتارىنىڭ ەلگە ۆيزاسىز كەلۋىنە بايلانىستى داۋدان قورقۋدىڭ قاجەتى جوق – ءى ءى م

استانا. قازاقپارات - قازىر ەلگە قانشا ەلدىڭ ازاماتى ۆيزاسىز كىرە الادى؟ ەلگە كىرگەن شەتەل ازاماتتارىن ءى ءى م قالاي باقىلايدى؟ قىتاي ازاماتتارىنىڭ ەلگە ۆيزاسىز كەلۋى قيىندىق تۋدىرماي ما؟ زاڭ بۇزعان شەتەل ازاماتتارىنا قاتىستى قانداي شارا قولدانىلادى؟

بۇل تۋرالى ءى ءى م كوشى-قون كوميتەتى قىزمەتىنىڭ ەرەكشە تاپسىرمالار جونىندەگى اعا ينسپەكتورى التىنبەك ماساقبايەۆ Massaget.kz تىلشىسىنە ەكسكليۋزيۆ سۇحبات بەردى.

«قازىر قازاقستان رەسپۋبليكاسىنا 79 ەلدىڭ ازاماتى ۆيزاسىز كىرە الادى. ونىڭ 57 ءى ەكونوميكالىق دامىعان مەملەكەتتەر، ەۋروپا مەملەكەتتەرى، ا ق ش. بۇل مەملەكەتتەر ازاماتتارى 30 كۇنگە دەيىن ەلىمىزگە ۆيزاسىز كىرە الادى. يران، قىتاي، ءۇندىستان مەملەكەتتەرى 14 كۇنگە دەيىن ۆيزالىق تالاپتاردان بوساتىلعان. ودان باسقا، ەۋرازيالىق ەكونوميكا وداق مۇشەلەرى بار: رەسەي، بەلارۋس، ارمەنيا، قىرعىستان مەملەكەتتەرى. ولار ۋاقىتشا تۇرۋعا رۇقسات الماي-اق 90 كۇن جۇرە الادى. قازىر جىل باسىنان باستاپ ەلىمىزگە 2 ميلليوننان اسا شەتەل ازاماتى كىرگەن، 2 جارىم ميلليون شەتەل ازاماتى ەلدەن شىققان»، - دەدى ول.

ونىڭ ايتۋىنشا، شەكارا قىزمەتكەرلەرى ءى ءى م اقپاراتتىق جۇيەسىنە ەلگە كىرگەن شەتەل ازاماتتارى تۋرالى اقپارات جىبەرەدى.

«شەتەل ازاماتى ەلگە كىرگەن كۇننەن باستاپ شەكارا قىزمەتكەرلەرى ءى ءى م اقپاراتتىق جۇيەسىنە كىرگەن جايلى مالىمەتتەردى جىبەرىپ وتىرادى. ودان باسقا، قابىلداۋشى تاراپ دەگەن بار. ولار وزدەرىنە كىرگەن شەتەل ازاماتارىن ءىىم اقپاراتىق جۇيەسىنە حابارلاپ وتىرادى. ول - eQonaq پورتالى، ۆيزالىق-ميگراتسيوندىق پلاتفورماسى ارقىلى حابارلامالار جىبەرىپ وتىرادى»، - دەدى ينسپەكتور.

التىنبەك ماساقبايەۆ جىل باسىنان بەرى كوشى-قون زاڭناماسىن بۇزعان 12 مىڭ شەتەل ازاماتى تىركەلگەننىن ايتتى.

«قابىلداۋشى تاراپ - ەلىمىزدىڭ ازاماتتارى، جۇمىس بەرۋشى. ولار دەر كەزىندە حابارلاپ تۇرسا، وندا زاڭ بۇزىلمايدى. جىل باسىنان بەرى كوشى- قون زاڭناماسىن بۇزعان 12 مىڭ شەتەل ازاماتى تىركەلدى. ونىڭ كوبى - جاقىن شەتەل ازاماتتارى. ولار ۋاقىتىندا حابارالاما بەرمەگەن، ۋاقىتشا تىركەۋدى سوزدىرماعان جانە جەرگىلىكتى اتقارۋشى ورگانداردان رۇقسات الماي، جۇمىس كۇشىن پايدالانعان»، - دەدى ول.

سونداي-اق، ول قىتاي ازاماتتارىنىڭ ەلگە ۆيزاسىز كەلۋىنە بايلانىستى پىكىر ءبىلدىردى.

«قىتاي ازاماتتارىنىڭ ەلگە ۆيزاسىز كەلۋىنە بايلانىستى داۋدان قورقۋدىڭ قاجەتى جوق. سەبەبى ءبارى ءى ءى م باقىلاۋىندا. شەكارادان وتكەن كۇننەن باستاپ قابىلداۋشى تاراپ ۋاقىتىلى حابارلاما بەرىپ تۇرادى. جىل باسىنان بەرى 12 مىڭ زاڭ بۇزعان شەتەل ازاماتتارىنان ق ح ر- ءدىڭ 205 ءى عانا بار. ول - 1 پايىز. كوبى - جۇمىس ساپارى، مادەني ءىس-شارالارعا قاتىسۋعا كەلەتىن ازاماتتار»، - دەدى ول.

التىنبەك ماساقبايەۆ زاڭ بۇزعان شەتەل ازاماتتارىنا قاتىستى قانداي شارا قولدانىلاتىنىن ايتتى.

«زاڭ بۇزعان شەتەل ازاماتتارىنا 10 كۇنگە دەيىن ءى ءى م اكىمشىلىك حاتتاما تولتىرىلادى. ءبىرىنشى 3 كۇندەي ەسكەرتۋ بەرىلەدى، كەيىن ايىپپۇل سالىنادى. 10 جۇمىس كۇنىنەن اسسا، اكىمشىلىك سوتقا جولدانادى. وندا 2 ءتۇرلى شەشىم بولادى. 25 ايلىق كورسەتكىش ەسەبىندە ايىپپۇل نەمەسە ق ر اۋماعىنان 5 جىلعا دەيىن شىعارۋ، باسقا زاڭبۇزۋشىلىقتار انىقتالعاندا ق ر اۋماعىنا كىرۋگە شەكتەۋ قويىلادى»، - دەدى ول.