مەملەكەت باسشىسى بەس تىلدە حابار تاراتاتىن «جىبەك جولى» تەلەارناسىنا باردى

استانا. قازاقپارات - قاسىم-جومارت توقايەۆ قازاقستان رەسپۋبليكاسى پرەزيدەنتى تەلەراديوكەشەنىنىڭ قۇرامىنا كىرەتىن Jibek Joly تەلەارناسىنىڭ جاڭا اپپاراتتىق-ستۋديالىق كەشەنىن ارالاپ كوردى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسىنا الەمدىك ستاندارتقا ساي حابار تاراتاتىن جانە كامەرا-روبوتتارمەن جابدىقتالعان جاڭا زاماناۋي ستۋديا تانىستىرىلدى.

پرەزيدەنتكە تەلەراديوكەشەننىڭ باس ديرەكتورى راۋشان قاجىبايەۆا Ultra HD فورماتىندا لايف رەجيمدە حابار تاراتۋعا مۇمكىندىك بەرەتىن، جوعارى تەحنولوگيالىق زاماناۋي قۇرالدار قولدانىلعان ستۋديا جابدىقتارىن كورسەتتى.

تەلەارنا بەس تىلدە حابار تاراتادى. جاڭالىقتار ستۋدياسى ىلەسپە اۋدارما جاساي وتىرىپ، تىكەلەي ەفيردە جۇمىس ىستەيدى.

قاسىم-جومارت توقايەۆ بۇقارالىق اقپارات قۇرالدارى وكىلدەرى جۇمىسىنىڭ ماڭىزىن جانە ولاردىڭ كاسىبيلىگىن اتاپ ءوتتى.

پرەزيدەنت تەلەارنا ۇجىمىنا العىس ايتىپ، قىزمەتكەرلەرگە شىعارماشىلىق تابىس تىلەدى.