ديماشتىڭ ءانى العاش رەت ۋرۋگۆاي راديوسىندا شىرقالدى

استانا. قازاقپارات - ديماش قۇدايبەرگەننىڭ داۋىسى العاش رەت ۋرۋگۆاي راديوسىندا شىرقالدى، دەپ حابارلايدى قازاقپارات ءانشىنىڭ رەسمي سايتىنا سىلتەمە جاساپ.

25- ساۋىردە ۋرۋگۆايدىڭ Maxima FM 97.7 راديوستانتسياسىندا ديماشتىڭ «Together» سينگلى شىرقالدى.

بۇل - قازاقستاندىق ءارتىستىڭ ۋرۋگۆاي راديوسىنداعى العاشقى تاراتىلىمى.

Maxima FM 97.7 - ۋرۋگۆايدىڭ نۋەۆو پايساندۋ قالاسىندا ورنالاسقان تانىمال راديوستانتسيا.

راديو ەلدىڭ سوڭعى جاڭالىقتارى مەن قىزىقتى وقيعالارىن، سونداي-اق ءارتۇرلى جانرداعى مۋزىكانى تاراتادى.

ديماشتىڭ ءىنىسى ءابىلمانسۇر قۇدايبەرگەن جازعان «Together» سوڭعى شىققان كومپوزيتسياسى ۋرۋگۆايلىق Dears- ءتىڭ بەلسەندى سۇراۋلارىنىڭ ارقاسىندا «Los recomendables» باعدارلاماسىندا ورىندالدى.

راديو جۇرگىزۋشىسى ەمينا ديماشتىڭ ۋرۋگۆاي فان-كلۋبىنا قىزىعۋشىلىق تانىتقانى ءۇشىن العىس ايتىپ، ونى وسىنداي تاڭعاجايىپ ارتىستەرمەن مۇمكىندىگىنشە ءجيى تانىستىرۋدى ءوتىندى.