بۇگىن ەلورداداعى «نۇرلى جول» ۆوكزالى ماڭىندا تەرروريزمگە قارسى وقۋ-جاتتىعۋ وتەدى

استانا. قازاقپارات - بۇگىن «نۇرلى جول» ۆوكزالى ماڭىندا تەرروريزمگە قارسى وقۋ-جاتتىعۋ وتەدى. بۇل تۋرالى ەلوردالىق تەرروريزمگە قارسى كۇرەس جونىندەگى جەدەل شتاب اقپارات تاراتتى، دەپ حابارلايدى قازاقپارات.

«29- ساۋىردە ساعات 11:00 دەن 16:00 گە دەيىن «نۇرلى جول» تەمىرجول ۆوكزالى (م. تىنىشباي ۇلى كوشەسى، 8) جاعدايىنداعى تەرروريزمگە قارسى كۇرەس جونىندەگى ەلوردالىق جەدەل شتاب جوسپارلى تەرروريزمگە قارسى وقۋ-جاتتىعۋ وتكىزۋدى جوسپارلاپ وتىر.

ءىس-شارانىڭ ماقساتى - جەدەل شتاب كۇشتەرى مەن قۇرالدارىنىڭ تەرروريستىك كورىنىستەرگە شۇعىل دەن قويۋ، تەرروريزم اكتىسىنىڭ سالدارىن ازايتۋ جانە جويۋ جونىندەگى مىندەتتەردى ورىنداۋعا دايىندىعىن تەكسەرۋ.

جاتتىعۋ ءار ءتۇرلى قيىندىق ەلەمەنتتەرىمەن جاۋىنگەرلىك جاعدايلارعا مۇمكىندىگىنشە جاقىنداتىلعان.

تەمىرجول ۆوكزالىنىڭ قورشاۋىندا شەكتەۋ شارالارى قاراستىرىلعان.

وسىعان بايلانىستى، ازاماتتاردى وتكىزىلەتىن وقۋ ءىس-شارالارىنا تۇسىنىستىكپەن قاراۋعا، قاۋىپسىزدىك شارالارىن ساقتاۋعا جانە مەملەكەتتىك ورگانداردىڭ جۇمىلدىرىلعان قىزمەتشىلەرىنىڭ زاڭدى تالاپتارىن ورىنداۋعا شاقىرامىز»، - دەلىنگەن شتاب حابارلاماسىندا.