قازاقستاندا ءتۋريزمنىڭ دامۋىنا زاڭنىڭ تۇراقسىزدىعى كەدەرگى كەلتىرۋدە - قاناتبەك سافينوۆ

استانا. قازاقپارات - پارلامەنتاريزم ينستيتۋتى ۇيىمداستىرعان دوڭگەلەك ۇستەل وتىرىسىنا قاتىسۋشىلار قازاقستانداعى ءتۋريزمدى دامىتۋ پەرسپەكتيۆالارىن تالقىلادى، دەپ حابارلايدى قازاقپارات.

ءىس-شاراعا پارلامەنت سەناتىنىڭ دەپۋتاتتارى، ەكولوگيا جانە تابيعي رەسۋرستار، مادەنيەت جانە سپورت مينيسترلىكتەرىنىڭ، ساراپشىلار قاۋىمداستىعىنىڭ، سونداي-اق بەيىندى ۇيىمدار مەن كاسىپورىنداردىڭ وكىلدەرى قاتىستى.

پارلامەنتاريزم ينستيتۋتىنىڭ ديرەكتورى قاناتبەك سافينوۆ قازاقستاندا تۋريزم سالاسىنىڭ دامۋىنا زاڭنىڭ تۇراقسىزدىعى كەدەرگى كەلتىرىپ وتىرعانىن، وعان بۇگىنگى كۇنگە دەيىن 47 رەت وزگەرىس ەنگىزىلگەنىن اتاپ ءوتتى. وسىعان بايلانىستى ول تۋريزم سالاسىن، ونىڭ ىشىندە تروفەيلىك اڭ اۋلاۋدى جۇرگىزۋ مۇمكىندىگى ارقىلى رەتتەۋدىڭ بالاما تاسىلدەرىن پايدالانۋدى ۇسىندى.

«مەملەكەت باسشىسى ەتنوتۋريزمدى، ەكولوگيالىق جانە كرۋيزدىك ءتۋريزمدى دامىتۋ قاجەتتىگىن جانە وسىعان بايلانىستى كاسىبي كادرلاردى دايارلاۋ جانە قاجەتتى كولىكتىك-لوگيستيكالىق ينفراقۇرىلىمدى قۇرۋ ماڭىزدى دەپ اتاعان»، - دەدى ق. سافينوۆ.

«دوڭگەلەك ۇستەل» بارىسىندا مازمۇندى جانە سىندارلى ديالوگ ءوتتى. بارلىق مۇددەلى تاراپتاردىڭ پىكىرلەرى تىڭدالدى. بۇل پارلامەنتاريزم ينستيتۋتىنىڭ ساراپشىلارىنا دەپۋتاتتار ءۇشىن زاڭنامالىق سيپاتتاعى وبەكتيۆتى جانە ساپالى ۇسىنىمدار ازىرلەۋگە مۇمكىندىك بەرەدى.