قاپشاعاي كولىندە اداسىپ كەتكەن جاستار امان-ەسەن تابىلدى - ۆيدەو

ولار 27-ءساۋىر كۇنى كەشكى ساعات 18:00 شاماسىندا 112 نومىرىنە حابارلاسىپ، وزدەرىنىڭ اداسىپ كەتكەنى تۋرالى حابار بەرگەن.

«الماتى وبلىسى ت ج د كەزەكشى بولىمىنە ەكى ازامات، 2001 -جىلى تۋعان جىگىت جانە 2003 -جىلى تۋعان قىزدىڭ اداسىپ كەتكەندىگى جونىندە حابارلاما ءتۇستى. ولار قايىقتى جالعا الىپ، «كوگىلدىر شىعاناققا» قاراي دەمالۋعا بارا جاتىپ، اداسىپ، كەرى جول تابا الماعان. جاستار ۇيالى تەلەفوننان 112 جەلىسىنە قوڭىراۋ شالدى.

وقيعا ورنىنا قونايەۆ قالاسى جەدەل- قۇتقارۋ قىزمەتىنىڭ وكىلدەرى جىبەرىلدى. 3 قايىقپەن ىزدەۋگە شىققان الماتى وبلىسى ت ج د قىزمەتكەرلەرى ساعات 18-31 دە زارداپ جوعالعان ادامداردى تاپتى. ولار مەديتسينالىق كومەكتى قاجەت ەتپەدى»، - دەلىنگەن الماتى وبلىسى ت ج د باسپا ءسوز قىزمەتىنىڭ حابارلاماسىندا.