13:25, 27 - ءساۋىر 2023 | GMT +5
پرەزيدەنت ۇلت قۇرۋ پروتسەسىنىڭ جاي- كۇيىنە تالداۋ جاساۋدى تاپسىردى
استانا. قازاقپارات - ۇكىمەت جىل سوڭىنا دەيىن ۇلت قۇرۋ پروتسەسىنىڭ جاي- كۇيىنە تالداۋ جاساۋ قاجەت. بۇل تۋرالى قازاقستان حالقى اسسامبلەياسىنىڭ 32 -سەسسياسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«مەملەكەتتىك ساياساتتىڭ تيىمدىلىگىن ارتتىرۋ ءۇشىن كەشەندى تالداۋ قاجەت. ۇكىمەت جىل سوڭىنا دەيىن ءتيىستى وزەكتى ۇسىنىمدارمەن ۇلت قۇرۋ پروتسەسىنىڭ اعىمداعى جاي- كۇيىن تالداي وتىرىپ، ساراپتامالىق بايانداما دايىنداۋى ءتيىس»، - دەدى مەملەكەت باسشىسى.
پرەزيدەنتتىڭ پايىمىنشا، وسى ماسەلە بويىنشا عىلىمي زەرتتەۋلەرگە ەرەكشە نازار اۋدارۋ قاجەت.
«مەملەكەتتىك ورگانداردىڭ عىلىمي ۇسىنىستارعا نەمقۇرايلى قاراۋى، كوبىنە كەرى بايلانىسسىز قالادى. بۇل، جالپى، بايىپتى اڭگىمە ءۇشىن ۇلكەن تاقىرىپ. بەيىندى مينيسترلىكتەردەن، مەملەكەتتىك باسقارۋ اكادەمياسىنان عىلىمي- تالداما جۇمىسىنىڭ ساپاسىن ارتتىرۋ جانە پراكتيكالىق قايتارىمى بويىنشا ناقتى ۇسىنىستار كۇتەمىن»، - دەدى قاسىم- جومارت توقايەۆ.
