ەلىمىزدە قازاقتىڭ سالت- ءداستۇرىن ۇستاناتىن وزگە ۇلت وكىلدەرى وتە كوپ - مەملەكەت باسشىسى
«بيىل قاسيەتتى رامازان ايىنىڭ باسى ناۋرىز مەرەكەسى كۇندەرىنە تۋرا كەلدى. پاسحا مەن ورازا ايتتى اتاپ ءوتۋ كۇندەرى جاقىن بولدى. مەن بۇل جەردە ەرەكشە نىشاندىق ءمان كورەمىن. ورازا كۇندەرى ءدىندارلار، ادەتتە، مىزعىماس ادامگەرشىلىك قۇندىلىقتار تۋرالى كوپ ايتادى، ءبىر- بىرىنە جاقسى تىلەكتەر بىلدىرەدى. سول سياقتى پاسحا دا - ادامداردى ەڭ جوعارى ادامگەرشىلىك مۇراتتارعا شاقىراتىن جارقىن مەرەكە. سوندىقتان بۇل مەرەكەلەر ۇلتىنا قاراماستان ەلىمىزدىڭ ميلليونداعان ازاماتتارى ءۇشىن ورتاق بولدى. ءبىز ازاماتتارىمىزدىڭ تاڭعاجايىپ بىرلىگىنىڭ كۋاسى بولىپ وتىرمىز»، - دەدى قاسىم-جومارت توقايەۆ.
مەملەكەت باسشىسى قازاقستانداعى بارلىق ەتنوس وكىلدەرى قازاقتىڭ بولمىسىن بويىنا ءسىڭىرىپ جاتقانىن ايتتى.
«ەلىمىزدە قازاقتىڭ سالت-ءداستۇرىن ۇستاناتىن وزگە ۇلت وكىلدەرى وتە كوپ. ونى وزدەرىڭىز جاقسى بىلەسىزدەر. قازاقستان ولار ءۇشىن تۋىپ-وسكەن، ەرجەتكەن، ءبىلىم العان، وتباسىن قۇرعان قاستەرلى مەكەنى، وتانى سانالادى. بۇل - تابيعي ءۇردىس»، - دەدى پرەزيدەنت.
