يران مەن اۋعانستاننان قازاقستانعا ەسىرتكى اكەلەتىن قىلمىس ارناسى جويىلدى - فوتو
ەسىرتكىگە قارسى 47, ونىڭ ىشىندە رەسەي، قىرعىزستان جانە اۆستراليانىڭ قۇزىرەتتى ورگاندارىمەن بىرلەسكەن وپەراتسيالار جۇرگىزىلدى.
ەسىرتكى تاسىمالىنىڭ 8 حالىقارالىق جانە 14 وڭىرلىك ارنالارى جويىلدى.
اتاپ ايتقاندا، اۋعانستاننان قازاقستانعا كونتراباندالىق جولمەن 5 ك گ گەروين جانە 48 ك گ مەتامفەتامين جەتكىزگەن شەتەلدىك ازامات ۇستالدى.
اۋعان وپياتتارىن ەسىرتكى ترافيگىن قالىپتاستىرۋ ەلدەرىنەن قازاقستانعا كونتراباندالىق جولمەن تاسىمالداۋعا قاتىسى بار ەسىرتكى توبى ارەكەتىنىڭ جولى كەسىلدى.
1 ك گ گەروين، 2 ك گ اپيىن جانە 14 ك گ گاشيش تاركىلەندى.
كاسپي سۋ ايدىنى ارقىلى يراننان قازاقستانعا وپيات جەتكىزۋدىڭ تۇراقتى ارناسى جويىلدى.
جىلدام قايىقتاردى پايدالانىپ، كونتراباندالىق جولمەن 30 ك گ اپيىن جانە 100 مەتادون تابلەتكالارىن جەتكىزگەن ءتورت شەتەلدىك ۇستالدى.
جىلدىڭ ءبىرىنشى توقسانىنىڭ وزىندە 8 اۋقىمدى ەسىرتكى زەرتحاناسى جويىلدى. زاڭسىز اينالىمنان 73 ك گ «مەفەدرون» جانە 223 ك گ «α- PVP» پسيحوتروپتىق زاتى الىندى.
ەگەر بۇرىن سينتەتيكا ءوندىرىسى الماتى جانە سولتۇستىك وبلىستارعا ءتان بولسا، بۇگىندە ولاردىڭ ورنالاسۋى بىرتىندەپ باسقا ايماقتارعا تاراپ جاتىر.
مىسالى، تۇركىستان وبلىسىندا كورشى ەلدەردىڭ ەسىرتكى نارىعىنا جەتكىزۋگە ارنالعان پسيحوتروپتىق زاتتاردىڭ شەتەلدىكتەر ۇيىمداستىرعان اۋقىمدى ءوندىرىسىنىڭ ارەكەتى توقتاتىلدى.
سونداي-اق، شىمكەنت قالاسى مەن جامبىل وبلىسىندا ءوز ونىمدەرىمەن ىشكى ەسىرتكى نارىعىن قامتاماسىز ەتىپ كەلگەن ءىرى ەسىرتكى زەرتحانالارى تابىلدى.
اتالمىش «ديزاينەرلىك ەسىرتكىلەردى» ءوندىرۋ الاڭدارىنىڭ ورنالاسۋى مەن ساتىلۋى بويىنشا ەلىمىزدىڭ مەگاپوليستەرى ءالى كۇنگە دەيىن الدىڭعى قاتاردا ەكەنىن ايتىپ ءوتۋ كەرەك.
جىل باسىنان بەرى ەسىرتكى قۇرىلىمدارىنىڭ 67 قاتىسۋشىسى ۇستالدى.
زاڭسىز اينالىمنان 483,2 ك گ پسيحوتروپتىق زاتتار، 11 ك گ گەروين، 32,8 ك گ اپيىن، 63,7 ك گ گاشيش، 41,6 ك گ ماريحۋانا جانە 17 توننادان استام كوكنار شيكىزاتى، سونداي-اق 22 توننادان استام حيميالىق رەاگەنتتەر الىندى.
ۇ ق ك ەسىرتكى بيزنەسىنە قارسى ءىس-قيمىل بويىنشا ءىس-شارالاردى كۇشەيتىلگەن رەجيمدە جالعاستىرىپ جاتىر.
