ورال قالاسىنىڭ تۇرعىنى جالعان قۇجاتتارمەن شەتەلدىك كولىكتى زاڭداستىرماق بولعان
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، قۇجاتتاردى زەردەلەۋ كەزىندە اۆتوينسپەكتور ونىڭ جالعان ەكەندىگىن انىقتادى.
قازىرگى ۋاقىتتا پوليتسەيلەر بارلىق ءمان-جايعا كوز جەتكىزۋ ءۇشىن اۆتوكولىكتى ەسەپكە الۋ بازالارى بويىنشا تەكسەرۋ جۇرگىزۋدە.
25-ءساۋىر كۇنى 1991 -جىلعى ك. دەگەن تۇرعىن جالعان قۇجاتتاردى پايدالانا وتىرىپپ، 2010 -جىلى شىعارىلعان «تويوتا كامري» اۆتوكولىگىن ارنايى ح ق ك و-دا رەسىمدەمەك بولعان. كولىك قۇرالى بارلىق جاعداي بەلگىلى بولعانعا دەيىن مامانداندىرىلعان اۆتوتۇراققا ورنالاستىرىلدى.
«ب ق و پوليتسيا دەپارتامەنتى اكىمشىلىك پوليتسياسى باسقارماسىنىڭ اعا مەملەكەتتىك اۆتوينسپەكتورى ساراپشى كريميناليستىڭ قورىتىندىسى قولدان جاسالعانىن انىقتادى. ح ق ك و-دان تۇسكەن ارنايى قۇجاتتاردى تەكسەرۋ كەزىندە رەسەيلىك ءنومىرلى «تويوتا كامري» اۆتوكولىگىنىڭ 2022 -جىلعى قاراشادا تىركەلگەنى جانە كريميناليستەن تەكسەرىستەن وتكەنى كۇدىك تۋعىزدى. ويتكەنى اۆتوكولىكتى تۇرعىن شىعىس قازاقستان وبلىسىنا اۋماقتان تىس تاسىلمەن جاريا ەتۋگە تىرىسقان. ق ر ءى ءى م-نىڭ بازالارى ارقىلى ك-عا بەرىلگەن ساراپشىنىڭ قورىتىندىسى جالعان بولىپ شىقتى، سەبەبى قورىتىندىدا كورسەتىلگەن تەگى بار كريميناليست جوق. وسى دەرەك بويىنشا ق ر ق ك 385-بابى 3-بولىگىنە (كورىنەۋ جالعان قۇجاتتى پايدالانۋ) سايكەس سوتقا دەيىنگى تەرگەۋ امالدارى جۇرگىزىلۋدە. بۇل باپ بويىنشا ايىپتى دەپ تانىلعان ادام ءبىر ءجۇز الپىس ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءبىر ءجۇز الپىس ساعاتقا دەيىنگى مەرزىمگە قوعامدىق جۇمىستارعا تارتۋعا نە قىرىق تاۋلىككە دەيىنگى مەرزىمگە قاماققا الۋعا جازالانادى»، دەپ حابارلادى ۆەدومستۆودان.
كۇنى بۇگىنگە دەيىن وڭىردە 9284 ءوتىنىش (ساقتاندىرۋ كومپانيالارىنىڭ دەرەكتەرى بويىنشا 12 مىڭ اۆتوكولىكتىڭ 77 پايىزى) تۇسسە، سونىڭ 8094 ى زاڭداستىرىلدى. مۇنىڭ 6462 سى رەسەيدەن اكەلىنگەن.
ەسكە سالا كەتەيىك، بۇدان بۇرىن ب ق و-دا جۇرگىزۋشىنىڭ اۆتوكولىكتى كۋالىكسىز ايداپ، ەر ادامدى قاعىپ كەتكەنىن جازعان بولاتىنبىز.
