قازاقستان مەن قىتاي سىرتقى ساياسي ۆەدومستۆولارىنىڭ باسشىلارى كەلىسسوزدەر جۇرگىزدى
بۇل تۋرالى قازاقپارات سىرتقى ىستەر مينيسترلىگىنىڭ رەسمي سايتىنا سىلتەمە جاساپ حابارلايدى.
قىتاي ارىپتەسىمەن كەلىسسوزدەر بارىسىندا ساياسي، ساۋدا-ەكونوميكالىق جانە مادەني-گۋمانيتارلىق سالالارداعى قازاقستان-قىتاي ىنتىماقتاستىعىنىڭ قازىرگى جاعدايى مەن دامۋ پەرسپەكتيۆالارى تالقىلاندى. حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
مينيستر م. نۇرتىلەۋ قىتايمەن جان-جاقتى ستراتەگيالىق ارىپتەستىك قاتىناستارىن دامىتۋ قازاقستاننىڭ سىرتقى ساياساتىنداعى وزگەرمەيتىن ماڭىزدى باسىمدىقتاردىڭ ءبىرى ەكەنىن اتاپ ءوتتى. بۇل ەكى ەلدىڭ اراسىنداعى، اسىرەسە ساۋدا جانە ينۆەستيتسيالار سالاسىنداعى كوپقىرلى ىنتىماقتاستىقتى ودان ءارى كەڭەيتۋ ماقساتىندا جوعارى دەڭگەيدە قول جەتكىزىلگەن ۋاعدالاستىقتاردى ىسكە اسىرۋ ءۇشىن بىرلەسكەن كۇش-جىگەردى قابىلداۋ قاجەتتىگىن اتاپ ءوتتى.
تاراپتار ب ۇ ۇ، ش ى ۇ، ا و س ش ك، «ورتالىق ازيا- ق ح ر» فورماتى جانە باسقا دا كوپجاقتى تەتىكتەر شەڭبەرىندە ۇيلەستىرۋدى جانە تىعىز ءوزارا ءىس-قيمىلدى ودان ءارى نىعايتۋعا دايىن ەكەندىگىن ءبىلدىردى.
سونداي-اق، م. نۇرتىلەۋ شەنسي پروۆينتسياسى پارتكومىنىڭ حاتشىسى چجاو يدەمەن كەزدەستى. بۇل ايماق ق ح ر- دىڭ نەگىزگى كولىك- لوگيستيكالىق حابتارىنىڭ ءبىرى. كەلىسسوزدەر بارىسىندا «قىتاي-ەۋروپا-قىتاي» ترانسكونتينەنتالدىق باعىتى بويىنشا ءتيىمدى جۇك تاسىمالدارىن قامتاماسىز ەتۋ سالاسىنداعى ءوزارا ءتيىمدى ىنتىماقتاستىقتى دامىتۋ جانە نىعايتۋ، سونداي-اق ءوڭىرارالىق ءوزارا ءىس-قيمىلدى جولعا قويۋ ماسەلەلەرى تالقىلاندى.
تاراپتار سيان-استانا-سيان باعىتى بويىنشا تىكەلەي اۋە قاتىناسىنىڭ اشىلۋىن قاناعاتتانۋشىلىقپەن اتاپ ءوتتى، بۇل ەكى ەلدىڭ ازاماتتارى مەن بيزنەس وكىلدەرى اراسىنداعى الماسۋلاردىڭ كەڭەيۋىنە وڭ اسەرىن تيگىزەتىنى ءسوزسىز.
