21:56, 26 - ءساۋىر 2023 | GMT +5
اسحات جىتكەيەۆ حالىقارالىق قىزمەتكە تاعايىندالدى
استانا. قازاقپارات - بۇگىن كۋۆەيتتە ازيا دزيۋدو وداعىنىڭ (JUA) رەسمي كونگرەسى ءوتتى، دەپ حابارلايدى قازاقپارات ءتىلشىسى.
قازاقستان دزيۋدو فەدەراتسياسىنىڭ باسپا ءسوز قىزمەتىنەن ءمالىم ەتكەنىندەي، كونگرەسكە حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەر جانە ازيا دزيۋدو وداعىنا كىرەتىن فەدەراتسيا باسشىلارى مەن وكىلدەرى قاتىستى.
كونگرەسس بارىسىندا JUA اتقارۋشى كوميتەتىنىڭ شەشىمى بويىنشا قازاقستان دزيۋدو فەدەراتسياسىنىڭ باس حاتشىسى اسحات جىتكەيەۆ ازيا دزيۋدو وداعىنىڭ رەفەري ديرەكتورى بولىپ تاعايىندالدى.
اسحات جىتكەيەۆ - قازاقستان دزيۋدو فەدەراتسياسىنىڭ باس حاتشىسى، بەيجىڭ وليمپياداسىنىڭ كۇمىس جۇلدەگەرى. سونداي-اق، IJF Continental قۇرلىقتىق دارەجەدەگى تورەشى.
ەسكە سالا كەتەيىك، بۇدان بۇرىن استانادا پارا دزيۋدودان ازيا چەمپيوناتى وتەتىنىن جازعان بولاتىنبىز.
