ادام جىلاعاننان كوز جاسى تاۋسىلۋى مۇمكىن بە؟

استانا. قازاقپارات - جاستىڭ بولىنۋىنە ارنايى كوزجاس بەزدەرى جاۋاپ بەرەدى، ولار جوعارى قاباقتا ورنالاسقان.

قالىپتى جاعدايدا جاس سۇيىقتىعىنىڭ كىشكەنە مولشەرى «كوزىن جىپىلىقتاتقان كەزدە ۇزدىكسىز ءبولىنىپ تۇرادى. ول كونيۋنكتيۆانىڭ شىرىشتى قابىعىنىڭ ىلعالدانۋىنا قاجەت. ال ەگەر ادام كوپ جىلاسا نە بولادى؟

Dctorpiter. ru پورتالىنا وفتالمولوگ ۆلاديمير اگەيەۆ جاۋاپ بەردى.

ءبىزدىڭ تۇسىنىگىمىزدەگى ناعىز جاس سىرتقى تىتىركەندىرگىشكە جاۋاپ رەتىندە بولىنەدى. بۇل كوزگە قيقىم تۇسكەندە نەمەسە حيميالىق قوسىلىسقا رەاكسيا تۇرىندە بولۋى مۇمكىن. بوگدە زاتتار كوز شىرىشتىسىنا تۇسكەندە ولاردى تەز جۋىپ تاستاۋ ءۇشىن كوزجاس بەزدەرى كۇشەيتىلگەن رەجيمدە جۇمىس ىستەپ باستايدى.

«كوبىنەسە، كوز جاسى - بۇل جاعىمسىز دا، جاعىمدى دا جاعدايعا جاۋاپ. جاسپەن بىرگە اعزادان ارتىق گورموندار شىعادى، سول ءۇشىن ادام بىرتىندەپ تىنىشتانادى. بۇل جاعىنان قاراعاندا جىلاۋ - پايدالى ادەت. ول ەموتسيونالدى جانە فيزيكالىق بوساڭسۋ بەرەدى: ادام جىلاپ بولعاننان كەيىن تەرەڭ تىنىس الىپ باستايدى، ال جۇرەك سوعىسى باياۋلايدى»، - دەپ ءتۇسىندىردى دارىگەر.

كوزدىڭ جاسى تاۋسىلىپ قالۋى مۇمكىن بە؟

ادەبيەتتە جانە كينودا «جاس قالمادى» نەمەسە «جاس تاۋسىلعانشا جىلاۋ» دەگەن سەكىلدى سوزدەردى كەزدەستىرۋگە بولادى. الايدا دارىگەردىڭ ايتۋىنشا، جاستىڭ تاۋسىلۋى مۇمكىن ەمەس.

«جىلاۋ ادامدا كوز جاسىن تۋدىرعان فاكتور كەتكەنشە سوزىلادى: جاعىمسىز ەموتسيالار، شامادان تىس جۇمىس، اۋىرسىنۋ جانە ت. ب. سوندىقتان كوز جاسىن تاۋىسۋ مۇمكىن ەمەس»، - دەيدى مامان.

ءبىراق ۇزاق جىلاۋ كوزدىڭ قىزارۋىن، كونيۋنكتيۆانىڭ تىتىركەنۋىن جانە قاباقتىڭ ءىسىپ كەتۋىن شاقىرادى. كوزجاس بەزدەرىنىڭ شامادان تىس جۇمىس ىستەۋىنە بايلانىستى كوز اينالاسى ءتىنارالىق اۋماقتا ارتىق سۇيىقتىق جينالادى، بۇل كوز استىنىڭ ءىسىپ كەتۋىنە اكەلەدى.

كوز استىنىڭ ءىسۋىن قالاي كەتىرۋگە بولادى؟

- بەتتى سۋىق سۋمەن جۋىڭىز؛

- سۋىق كومپرەسس جاساڭىز نەمەسە سالقىنداتاتىن كرەم جاعىڭىز؛

- كوزگە ماسساج جاساڭىز.

كەز كەلگەن نارسەگە جىلاۋدى قالاي قويۋعا بولادى؟

پسيحولوگ سەرگەي روزانوۆ بىرنەشە كەڭەس بەردى:

- جۇيكە جۇيەڭىزدى دەمالتىڭىز. كوپ جىلاۋ قاتتى شارشاپ جۇرگەنىڭىزبەن بايلانىستى بولۋى مۇمكىن؛

- كۇشتى ەموتسيالاردى وزىڭىزدە ۇستاماڭىز. ءبىر رەت جاقسىلاپ جىلاپ الۋعا، سپورتتا ەموتسيانى شىعارۋعا، جاستىقتى ۇرىپ الۋعا نەمەسە ادام جوق جەردە ايقايلاپ الۋعا بولادى؛

- زەيىنىڭىزدى باسقا نارسەگە اۋىستىرىڭىز. ەگەر قازىر جىلاپ جىبەرەيىن دەپ تۇرعانىڭىزدى سەزسەڭىز، بىرنەشە رەت باياۋ تىنىس الىپ، زەيىنىڭىزدى تىنىسقا اۋدارىڭىز. ىشتەن 10 نان 1 گە دەيىن دە ساناۋعا بولادى.

massaget.kz