قوعامدىق ورىنداردا تەگىن سمارتفون قۋاتتاۋ ورىندارى قاۋىپتى

استانا. قازاقپارات - فەدەرالدى تەرگەۋ بيۋروسىنىڭ دەنۆەرلىك بولىمشەسىنىڭ وكىلدەرى تۋريستەر مەن جيھانكەزدەرگە اۋەجايلاردا، قوناقۇيلەردە جانە ساۋدا ورتالىقتارىندا تەگىن سمارتفون قۋاتتاۋ ورىندارى ءسىزدىڭ قاۋىپسىزدىگىڭىزگە زالال كەلتىرۋى مۇمكىن ەكەنىن مالىمدەدى.

مامانداردىڭ ايتۋىنشا، كوپشىلىك مۇنى بىلە بەرمەيدى، - دەپ حابارلايدى Tengritravel.kz ءتىلشىسى Tourprom باسىلىمىنا سىلتەمە جاساپ.

ارنايى قىزمەت ماماندارىنىڭ مالىمەتىنشە، قاسكويلەر قوعامدىق ورىنداردا USB-پورتتارى ارقىلى زيانكەستى باعدارلامالاردى ەنگىزۋ ارقىلى ءسىزدىڭ سمارتفونداعى مالىمەتتەرگە مونيتورينگ جۇرگىزە الادى ەكەن.

«ءوز قۋاتتاعىشىڭىزدى قولدانىڭىز نەمەسە پورتتىڭ ورنىنا ەلەكتر سىمدارىن پايدالانىڭىز»، - دەپ كەڭەس بەرەدى ولار.

ف ت ب وكىلدەرى الاياقتىقتىڭ بۇل تۇرىنە juice jacking دەگەن اتاۋ بەرگەن.

«قاسكويلەر قۋاتتاعىشقا نەمەسە كابەلگە زياندى باعدارلامالىق قامتاماسىز ەتۋ ورناتىپ، ءسىزدىڭ تەلەفونىڭىزعا ۆيرۋس كىرگىزەدى. ءسىز ونى بىلمەيسىز. ولار بولسا ءسىزدىڭ بارلىق پارولدەرىڭىزدى قولدى قىلىپ، قاراجات جىمقىرۋى مۇمكىن»، - دەپ ءتۇسىندىردى ۆەدومستۆو وكىلدەرى.