ەۋرووداق الەۋمەتتىك جەلىلەردى قاتاڭ باقىلاۋدا ۇستاماق

بريۋسسەل. قازاقپارات - ەۋروپا وداعى تامىز ايىنان باستاپ 19 ونلاين-پلاتفورماعا، سونىڭ ىشىندە الەۋمەتتىك جەلىلەر مەن ىزدەۋ جۇيەلەرىنە باقىلاۋدى كۇشەيتەدى، دەپ حابارلايدى قازاقپارات ەۋروكوميسسيا سايتىنا سىلتەمە جاساپ.

«بۇگىن كوميسسيا «سيفرلىق قىزمەتتەر تۋرالى» زاڭ (DSA) بويىنشا العاشقى شەشىمىن قابىلدادى. ول 17 ءىرى ونلاين پلاتفورمانى جانە اي سايىنعى بەلسەندى پايدالانۋشىلاردىڭ سانى كەمىندە 45 ميلليونعا جەتەتىن ەكى نەگىزگى ونلاين ىزدەۋ جۇيەسىن انىقتادى» دەلىنگەن حابارلامادا.

25-تامىزعا قاراي بۇل پلاتفورمالار سيفرلىق قىزمەتتەر تۋرالى زاڭعا سايكەس جاڭا مىندەتتەمەلەردى ورىنداۋعا ءتيىس.

بۇل مىندەتتەمەلەر ينتەرنەت پايدالانۋشىلارىن، سونىڭ ىشىندە كامەلەتكە تولماعانداردى قورعاۋعا باعىتتالعان.

اتاپ وتكەندە، مىنا پلاتفورمالارعا باقىلاۋ كۇشەيتىلەدى:

Alibaba AliExpress،

Amazon Store،

Apple AppStore،

Booking.com،

Facebook،

Google Play،

Google Maps،

Google Shopping،

Instagram،

LinkedIn،

Pinterest،

Snapchat،

TikTok،

Twitter،

Wikipedia،

YouTube،

Zalando،

Bing،

Google Search.