قارۋلى كۇشتەر قۇرامىندا ۇشقىشسىز اۆياتسيانى دامىتۋ دەپارتامەنتى قۇرىلدى
«ۋربانيزاتسيالانعان جەرلەردەگى ءىس- قيمىلعا بەيىمدەلگەن بولىمشەلەردى قۇرۋ جوسپارلانعان. دەسانتتىق- شابۋىلداۋ اسكەرلەرىنىڭ جاۋىنگەرلىك مۇمكىنشىلىگىن ارتتىرۋ شارالارى وزەكتەندىرىلۋدە. جۇزەگە اسىرىلعان ءىس- شارالار تەز جانە باتىل ءىس- قيمىلداردا دەسانتتاردىڭ «امبەباپ» قۇرال رەتىندەگى ءرولىن ارتتىرۋعا مۇمكىندىك بەردى.
ستراتەگيالىق باعىتتارداعى دەربەس توپتار قۇرۋ جالعاسۋدا. بۇل جۇمىس شەكاراشىلار مەن ۇلتتىق ۇلان جانە ت ج م قۇتقارۋشى كومپونەنتتەرىنىڭ دامۋىمەن تىعىز جۇرگىزىلۋدە»، - دەدى ول.
باس شتاب وكىلى قازىرگى تاڭدا بىردە- ءبىر قارۋلى قاقتىعىس ۇشقىشسىز اپپاراتتاردىڭ قولدانۋىنسىز وتپەيتىنىن اتاپ ءوتتى.
«وسى پەرسپەكتيۆالىق باعىتتى دامىتۋ ماقساتىندا بىزدەر باس شتابتا ۇشقىشسىز اۆياتسيا كەشەنىن دامىتۋ دەپارتامەنتىن قۇردىق. جەدەل دايىندىق شارالارىنا جەرگىلىكتى اتقارۋشى جانە ورتالىق مەملەكەتتىك ورگاندارىن قاتىستىرۋ داستۇرگە اينالۋدا»، - دەدى داۋرەن ابدۋللين.
