اتىراۋ مۇناي وڭدەۋ زاۋىتىنىڭ بۇرىنعى باس ديرەكتورىنىڭ ءىسى سوتتا قارالىپ جاتىر

اتىراۋ. قازاقپارات - اتىراۋ مۇناي وڭدەۋ زاۋىتىنىڭ بۇرىنعى باس ديرەكتورىنىڭ ءىسى سوتتا قارالىپ جاتىر، دەپ حابارلايدى قازاقپارات.

اتىراۋداعى №2 سوتتا مۇناي وڭدەۋ زاۋىتىنىڭ بۇرىنعى باس ديرەكتورىنا ق ر قىلمىستىق كودەكسىنىڭ 361-بابىنىڭ ءتورت ەپيزودىمەن ايىپ تاعىلعان.

تەرگەۋ مالىمەتتەرى بويىنشا، بۇرىنعى باس ديرەكتوردىڭ بۇيرىعىمەن كوميسسيا قۇرىلعان. بۇل كوميسسيا مۇنايدى تەرەڭ وڭدەۋ كەشەنىنىڭ نىسانىن اقاۋلى قۇرىلعىسى جانە رپىدالماعان جۇمىس كولەمى بولا تۇرا قابىلداۋ اكتىسىن جاساقتاعان. باس ديرەكتور قابىلداۋ اكتىسى نەگىزگە الىپ، انىقتالعان اقاۋلارعا قاراماستان، كەشەن نىسانىن پايدالانۋعا بەرۋ تۋرالى بۇيرىققا قول قويعان.

اتىراۋ وبلىسى پروكۋرورىنىڭ اعا كومەكشىسى نۇربولات ءابىلوۆتىڭ ايتۋىنشا، ماسەلە F-0101 ،F-0102 ،F-0103 ،F-0104 سۇزگىلەرى جانە كاتاليتيكالىق كرەكينگ قوندىرعىسىنىڭ F-0201 سەپاراتورىنا قاتىستى تۋىنداعان. «ا م ءو ز» ج ش س- نىڭ بۇرىنعى باس ديرەكتورى سۋسپەنزيانىڭ ماسسالىق ۇلەسىن تومەندەتۋگە ارنالعان كاتاليتيكالىق كرەكينگ قوندىرعىسىنىڭ ورناتىلعان سۇزگىلەرى مەن F-0201 سۋسپەنزيا سەپاراتورىنىڭ جۇمىس ىستەمەيتىنىن بىلگەن. ءبىراق، كەمشىلىكتەردى جويۋ ءۇشىن ءتيىستى شارالار قابىلداماعان.

شارتتىڭ تالاپتارىنا سايكەس جابدىقتى ورناتۋشى بارلىق اقاۋلاردى، زاقىمداردى جانە بارلىق زالالدى ءوز ەسەبىنەن جويۋعا مىندەت بولعان. ءبىراق، جۇمىس ىستەمەيتىن جانە اقاۋى بار جابدىقتار ءۇشىن 728607855 تەڭگە مولشەرىندە سومانى ۇستاپ قالۋ بويىنشا شارالار قولدانىلماعان.

پروكۋراتۋرا وكىلى ايىپتالۋشىعا 4 جىل 6 اي باس بوستاندىعىنان ايىرۋدى سۇرادى. وسى قىلمىستىق ءىستىڭ تاعى ءبىر ايىپتالۋشىسى زاۋىتتىڭ مەملەكەتتىك ساتىپ الۋ دەپارتامەنتىنىڭ باسشىسىن 3 جىل 6 ايعا باس بوستاندىعىان ايىرۋ ۇسىنىلدى.

سوتتىڭ كەزەكتى سوت وتىرىسى 17 -مامىر وتەدى.