ءىرى مۇناي- گاز كومپانياسى ارزان باعادا جەكەمەنشىككە ساتىلىپ كەتكەن - ۇكىمەت

استانا. قازاقپارات – ق ر پرەمەر- ءمينيسترى ءاليحان سمايىلوۆتىڭ توراعالىعىمەن وتكەن ەكونوميكانى دەمونوپوليزاتسيالاۋ جونىندەگى كوميسسيا وتىرىسىندا مۇناي- گاز سالاسىنداعى ماڭىزدى ينفراقۇرىلىمدىق وبەكتىلەردى جەكەمەنشىككە بەرۋدىڭ زاڭدىلىعى ماسەلەسى تالقىلاندى، دەپ حابارلايد قازاقپارات ۇكىمەت سايتىنا سىلتەمە جاساپ.

جيىندا مۇناي- گاز سالاسىندا جۇمىس ىستەيتىن ءىرى كومپانيانىڭ وسىدان بىرنەشە جىل بۇرىن جەكەمەنشىككە ساتىلعانى ايتىلدى.

كوميسسيا تاپسىرماسىمەن جۇرگىزىلگەن تەكسەرۋ اكتيۆتىڭ تومەندەتىلگەن باعامەن جەكەنىڭ قولىنا ءوتىپ كەتكەنىن انىقتادى.

پرەمەر- مينيستر قۇزىرلى مەملەكەتتىك ورگاندارعا وسى ماسەلەنى قازاقستان رەسپۋبليكاسىنىڭ قولدانىستاعى زاڭناماسى اياسىندا پىسىقتاۋدى تاپسىردى.