تاجىكستان پرەزيدەنتى قازاقستانعا مەملەكەتتىك ساپارمەن كەلەدى

بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستان جاعىنان سىرتقى ىستەر ءمينيسترىنىڭ ورىنباسارى ەرمۇحامبەت قونىسپايەۆ، تاجىك جاعىن سىرتقى ىستەر ءمينيسترىنىڭ ورىنباسارى سوديك يمومي باسقارادى. ساياسي كونسۋلتاتسيالاردىڭ باستى تاقىرىبى تاجىكستان رەسپۋبليكاسىنىڭ پرەزيدەنتى ەمومالي راحموننىڭ قازاقستانعا الداعى مەملەكەتتىك ساپارىنا دايىندىق ماسەلەلەرىن تالقىلاۋ بولماق»، - دەدى ا. سمادياروۆ ەلوردادا وتكەن باسپا ءسوز ءماسليحاتىندا.
ونىڭ ايتۋىنشا، كونسۋلتاتسيالار بارىسىندا قازاقستان مەن تاجىكستان اراسىنداعى ەكىجاقتى قاتىناستاردىڭ قازىرگى جاي-كۇيى مەن ودان ءارى دامۋ پەرسپەكتيۆالارى دا قارالادى.
بۇدان بۇرىن حابارلانعانداي، 2023-جىلعى 26-27- ساۋىردە قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ باستاعان قازاقستاندىق دەلەگاتسيا سيان قالاسىندا وتەتىن «ورتالىق ازيا - قىتاي» ديالوگ فورماتىنداعى سىرتقى ىستەر مينيسترلەرىنىڭ 4-كەڭەسىنە قاتىسادى.
سونداي-اق 25-26- ساۋىردە قازاقستان سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆتىڭ نيۋ-يورككە ساپارى وتەتىنى ءمالىم ەتىلدى.