مەملەكەت باسشىسى ق ح ا- نىڭ الداعى سەسسياسىندا كوتەرىلەتىن ماسەلەلەردى اتادى
قازاقپارات بۇل تۋرالى اقورداعا سىلتەمە جاساپ حابارلايدى.
سونىمەن قاتار پرەزيدەنتكە ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى مارات ءازىلحانوۆ اسسامبلەيانىڭ الداعى XXXII سەسسياسىنا دايىندىق بارىسى جونىندە ەسەپ بەردى.
قاسىم-جومارت توقايەۆ بىرلىك پەن تۇراقتىلىق قوعام ءومىرىنىڭ بارلىق سالاسىندا جۇرگىزىلىپ جاتقان كەشەندى رەفورمالاردىڭ تابىستى بولۋىنىڭ باستى شارتى ەكەنىن اتاپ ءوتتى. مەملەكەت باسشىسىنىڭ ايتۋىنشا، اسسامبلەيا بۇل مىندەتتى جۇزەگە اسىرۋدا ايرىقشا ءرول اتقارادى.
پرەزيدەنت بارلىق ەتنيكالىق توپ وكىلدەرى اراسىندا ءوزارا تۇسىنىستىكتى نىعايتۋ جانە قازاقستان حالقىن ودان ءارى ۇيىستىرۋ ءۇشىن جاڭا تاسىلدەر مەن جاسالاتىن ناقتى قادامداردىڭ ماڭىزدى ەكەنىنە نازار اۋداردى.
كەزدەسۋ سوڭىندا پرەزيدەنت ق ح ا جۇمىسىنىڭ ماڭىزدى باعىتتارىن اتاپ ءوتتى. سونداي-اق اسسامبلەيانىڭ الداعى سەسسياسىندا يدەولوگيالىق جانە پراكتيكالىق سيپاتتاعى ءبىرقاتار ماڭىزدى ماسەلە كوتەرىلەتىنىن ايتتى.
