بەيجىڭ بارلىق ەلدىڭ ەگەمەندىك مارتەبەسىن قۇرمەتتەيدى: قىتاي ءس ى م وكىلى
ماو نيننىڭ ايتۋىنشا، ديپلوماتيالىق قارىم-قاتىناس ورناعاننان بەرى قىتاي ەكىجاقتى دوستىق جانە ىنتىماقتاستىق قارىم-قاتىناستارىن دامىتۋ ءۇشىن ءارقاشان ءوزارا قۇرمەت پەن تەڭدىك قاعيداسىن ۇستانىپ كەلەدى.
«قىتاي بارلىق ەلدىڭ ەگەمەندىگىن، تاۋەلسىزدىگى مەن اۋماقتىق تۇتاستىعىن قۇرمەتتەيدى جانە ب ۇ ۇ جارعىسىنىڭ ماقساتتارى مەن قاعيداتتارىن ۇستانادى. كەڭەس وداعى ىدىراعاننان كەيىن قىتاي العاشقىلاردىڭ ءبىرى بولىپ ءتيىس ەلدەرمەن ديپلوماتيالىق قارىم-قاتىناس ورناتتى»، - دەدى ول.
ول بەيجىڭنىڭ اۋماقتىق ەگەمەندىككە قاتىستى ۇستانىمى ءارقاشان ايقىن ەكەنىن ايتتى.
«كەيبىر ب ا ق قىتايدىڭ ۋكراينا ماسەلەسىنە قاتىستى ۇستانىمىن دۇرىس تۇسىندىرمەي، قىتاي مەن ءتيىس ەلدەر اراسىندا الاۋىزدىق تۋعىزىپ جاتىر. ءبىز بۇل ماسەلە بويىنشا قىراعى بولامىز»، - دەدى ول.
ەسكە سالايىق، قىتايدىڭ فرانسياداعى ەلشىسى بۇرىنعى كەڭەستىك رەسپۋبليكالاردىڭ ەگەمەندىگىنە كۇمان كەلتىرگەن بولاتىن. تەلەجۋرناليست سۇراعىنا جاۋاپ بەرگەن قىتاي ەلشىسى حالىقارالىق قۇقىق بويىنشا بۇرىنعى كەڭەس وداعىنا مۇشە ەلدەردىڭ مارتەبەسى جوعىن ايتتى.
