الماتى ساياباعىندا ءمايىتى تابىلعان ايەلدى ءولتىردى دەگەن كۇدىكتى ۇستالدى

الماتى. قازاقپارات - الماتىدا ساياباقتا ءمايىتى تابىلعان ايەلدى ءولتىردى دەگەن كۇدىكپەن ەر ادام ۇستالدى، دەپ حابارلايدى قازاقپارات.

«الماتى قالالىق پوليتسيا دەپارتامەنتى شولوحوۆ كوشەسىندەگى ساياباقتا ءمايىتى تابىلعان ايەلدى ءولتىردى دەگەن كۇدىكتىنىڭ ۇستالعانىن حابارلايدى.

سوت سانكسياسىمەن 1962 -جىلى تۋعان ازامات ي. قاماۋعا الىندى. كۇدىكتىنىڭ جابىرلەنۋشىمەن بىرنەشە كۇننەن بەرى تانىس بولعانى، قىلمىستىڭ جانجال كەزىندە جاسالعانى بەلگىلى بولدى.

قازىر الماتى قالاسى پد تەرگەۋ باسقارماسى ق ر قىلمىستىق كودەكسىنىڭ 99-بابى 2-بولىگىمەن تەرگەلىپ جاتقان قىلمىستىق ءىس اياسىندا ساراپتامالار تاعايىندادى» ، - دەلىنگەن حابارلامادا.

ق ر قىلمىستىق پروتسەسسۋالدىق كودەكسىنىڭ (ق ر ق پ ك) 201-بابىنا سايكەس تەرگەۋ مۇددەسىنە وراي وزگە مالىمەت جاريا ەتىلمەدى.

پوليسيا ەسكە سالىپ وتكەندەي، ق ر كونستيتۋتسياسىنىڭ 77-بابى 3-تارماعىنىڭ 1-تارماقشاسىنا جانە ق ر ق پ ك- ءنىڭ 19-بابى 1-بولىگىنە سايكەس، ءاربىر ادام سوت ۇكىمى زاڭدى كۇشىنە ەنگەنگە دەيىن قىلمىستىق قۇقىق بۇزۋشىلىق جاساۋدا كىناسىز بولادى.