پاريج اپتاپ ىستىقتان كوز جۇمعاندار سانىمەن ەۋروپاداعى قالالار رەيتينگىندە كوش باستادى

پاريج. انادولى. قازاقپارات - پاريج اپتاپ ىستىقتان قايتىس بولعان قارتتار ءولىمى بويىنشا ەۋروپا قالالارىنىڭ رەيتينگىندە كوش باستادى.

بۇعان The Lancet Planetary Health جاريالاعان زەرتتەۋ دەرەكتەرى دالەل، دەپ حابارلايدى قازاقپارات انادولى اقپارات اگەنتتىگىنە سىلتەمە جاساپ.

زەرتتەۋ 2000-2009 -جىلدار ارالىعىندا ەۋروپانىڭ 30 ەلىندەگى 854 قالادا جۇرگىزىلگەن.

زەرتتەۋگە سايكەس، ەۋروپادا جىل سايىن سۋىقتىڭ اسەرىنەن 203620 ادام، ال ىستىقتان 20173 ادام كوز جۇمعان. ىستىق اۋا رايى ادامداردىڭ، اسىرەسە قارتتاردىڭ دەنساۋلىعىنا كەرى اسەرىن تيگىزەدى.

ءوز كەزەگىندە، دۇنيەجۇزىلىك دەنساۋلىق ساقتاۋ ۇيىمى (د د س ۇ) 2022 -جىلى ىستىق اۋا رايىنىڭ سالدارىنان ەۋروپادا جالپى العاندا كەم دەگەندە 15 مىڭ ادام قايتىس بولعانىن حابارلادى.