بيزنەستىڭ پروبلەمالارىن جەدەل شەشىپ، دامۋىن تەجەيتىن كەدەرگىلەردى انىقتاۋ كەرەك - پرەمەر

استانا. قازاقپارات – ق ر پرەمەر-ءمينيسترى ءاليحان سمايىلوۆ اباي وبلىسىنا ساپارى بارىسىندا ءشۇلبى گ ە س- ءىنىڭ جۇمىسىن تەكسەرىپ، وڭىردەگى ءبىرقاتار ءىرى وندىرىستىك كاسىپورىننىڭ قىزمەتىمەن تانىستى، دەپ حابارلايدى قازاقپارات.

قۋاتى 702 م ۆ ت ءشۇلبى گيدروەلەكتروستانتسياسى ءشۇلبى كەنتىنىڭ جانىنداعى ەرتىس وزەنىندە ورنالاسقان. ول قۋاتى جاعىنان ەرتىس گەس كاسكادىنداعى ءۇشىنشى جانە قازاقستانداعى ەڭ ءىرى ستانتسيا بولىپ تابىلادى.

قازىرگى ۋاقىتتا گ ە س- تە نەگىزگى جابدىقتىڭ جاعدايىن ناقتى ۋاقىت رەجيمىندە باقىلاۋعا جانە اقاۋلاردى ەرتە كەزەڭىندە انىقتاۋعا مۇمكىندىك بەرەتىن كەڭەيتىلگەن دياگنوستيكانىڭ پيلوتتىق جوباسى ىسكە اسىرىلۋدا. جوبا جوسپاردان تىس توقتاپ قالۋ جاعدايلارىن ازايتۋعا جانە ستانتسيانىڭ اپاتسىز جۇمىس ىستەۋىن قامتاماسىز ەتۋگە ارنالعان.

«ستانسا باسشىلىعى ءشۇلبى گ ە س- ءىنىڭ تۇراقتى جۇمىسىن قامتاماسىز ەتۋ جانە ونى جاڭعىرتۋ ءۇشىن بار كۇشىن سالۋى ءتيىس. ستانسانىڭ قۋاتتىلىعىن ارتتىرۋ جونىندەگى جوسپارلار ىسكە اسىرا وتىرىپ، جاقسى ناتيجەلەرگە ۇمتىلۋ قاجەت. بۇعان قوسا، جالاقى ماسەلەسىن شەشۋ كەرەك، ءبىز «سامۇرىق-ەنەرگو» الدىنا وسىنداي مىندەت قويامىز»، — دەدى ءاليحان سمايىلوۆ.

ۇكىمەت باسشىسىنىڭ نازارىنا ەنەرگەتيكا جانە سۋ سالاسىنداعى جوبالار، سونىڭ ىشىندە 3-ج ە و، ءشۇلبى گەس قۋاتىن 350 م ۆ ت- قا ارتتىرۋعا مۇمكىندىك بەرەتىن ەرتىس وزەنىندەگى كونتررەتتەگىش جانە جاڭا قوسالقى ستانتسيالاردىڭ جوباسى ۇسىنىلدى.

بۇدان كەيىن ءاليحان سمايىلوۆ جىلىنا 10 توننادان استام كونتسەنتراتتاعى التىن وندىرەتىن جارما اۋدانىندا ورنالاسقان باقىرشىق تاۋ-كەن ءوندىرۋ كاسىپورنىندا (Polymetal) بولدى.

مۇندا ورنالاسقان كەن-بايىتۋ فابريكاسىنىڭ جابدىقتارى زاماناۋي ولشەۋىش قۇرالدارىمەن جانە جەرگىلىكتى اۆتوماتيكامەن جابدىقتالعان. قازىرگى ۋاقىتتا كاسىپورىندا 1500 دەن استام شتاتتىق قىزمەتكەر جۇمىس ىستەيدى.

2022-جىلى زاۋىت جىلىنا 2,2 ميلليون توننا كەن وڭدەي الاتىن قۋاتقا شىقتى. ءارى قاراي ءبىرىڭعاي تاۋ- كەن ءوندىرۋ جانە وڭدەۋ كەشەنىنىڭ ونىمدىلىگىن جىلىنا 2,4 ميلليون تونناعا دەيىن ارتتىرۋ جوسپارلانۋدا.

«بيزنەستىڭ پروبلەمالارىن جەدەل شەشىپ، ونىڭ دامۋىن تەجەيتىن كەدەرگىلەردى انىقتاۋ كەرەك. بۇل سالىق سالۋعا، كەيبىر اكىمشىلىك ماسەلەلەرگە، مىسالى، رۇقساتناما نەمەسە باسقا قۇجاتتاردى بەرۋگە قاتىستى بولۋى مۇمكىن. ىسكەرلىك بەلسەندىلىكتىڭ ارتۋىن ىنتالاندىرۋ ءۇشىن بۇل پروتسەستەردى وڭتايلاندىرۋ قاجەت»، — دەپ اتاپ ءوتتى ول.

سونداي-اق پرەمەر-مينيستر ماي وندىرەتىن «Qazaq Astyq Group» ج ش س- نىڭ جۇمىسىمەن تانىستى. زاۋىت تاۋلىگىنە 1000 تونناعا جۋىق كۇنباعىس تۇقىمىن نەمەسە 800 توننا راپس نەمەسە زىعىر تۇقىمىن وڭدەي الادى. الداعى ۋاقىتتا دايىن ءونىم ىشكى نارىققا جانە كورشىلەس ەلدەرگە جونەلتىلەدى. بۇگىندە مۇندا تازارتىلعان ماي شىعارۋعا مۇمكىندىك بەرەتىن قۇنى 7 ميلليارد تەڭگە بولاتىن جاڭعىرتۋ جوباسى ازىرلەنۋدە. ونى جۇزەگە اسىرۋعا قاجەتتى قارجىنىڭ باسىم بولىگىن مەملەكەتتىك قولداۋ تەتىكتەرى ارقىلى تارتۋ جوسپارلانعان.

ءاليحان سمايىلوۆ اكىمدىككە ىشكى نارىقتى نەگىزگى ازىق-تۇلىك ونىمدەرىمەن قامتاماسىز ەتىپ، ەكسپورتتاعى ۇلەستى ارتتىرىپ وتىرعان وسىنداي وڭدەۋشى كاسىپورىندارعا بەلسەندى تۇردە كومەك بەرۋ كەرەكتىگىن اتاپ ءوتتى.