الماتىدا ەرلى- زايىپتى جۋرناليستەر ۇستالدى

الماتى. قازاقپارات - الماتىدا جۋرناليستەر ۆلاديمير مەن نارگيز سيەۆەرنىي سەرىكتەستىك باسشىسىنان اقشا بوپسالادى دەگەن كۇدىككە ءىلىندى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، جاعىمسىز اقپاراتتاردىڭ جاريالانباۋى ءۇشىن ج ش س باسشىلىعىنان اقشا بوپسالاعان ەرلى- زايىپتى جۋرناليستەر ۇستالدى.

ولار قاراجاتتىڭ ءبىر بولىگىن الۋ كەزىندە قولعا ءتۇستى.

«قازىرگى تاڭدا اتالعان دەرەكتىڭ تولىق ءمان- جايىن انىقتاۋ ءۇشىن جەدەل- تەرگەۋ ءىس- شارالارى جۇرگىزىلىپ جاتىر. ناتيجەسىندە زاڭدى پروتسەسسۋالدىق شەشىم قابىلدانادى»، - دەپ حابارلادى ۆەدومستۆودان.