قازاقستاندىق تاعى ءبىر تەننيسشى بوسنياداعى جارىستىڭ جارتىلاي فينالىنا ءوتتى
الەكساندر نەدوۆەسوۆ پورتۋگاليالىق فرانتسيسكو كابرالمەن بىرگە شيرەك فينالدا دودانىڭ ءۇشىنشى راكەتكالارى بولىپ تىركەلگەن فرانسيالىقتار ساديو دۋمبيا - فابيەن رەبۋلمەن شەبەرلىك بايقاستى.
قازاقستاندىق-پورتۋگاليالىق جۇپ 7:6 (7:5)، 6:1 ەسەبىمەن جەڭىسكە جەتتى.
ساعات جارىمنان استام ۋاقىتقا سوزىلعان باسەكە بارىسىندا ا. نەدوۆەسوۆ پەن ف. كابرال 2 ەيس جاساپ، 9 برەيك-پوينتتىڭ ۇشەۋىن پايدالاندى. فرانسيالىق جۇپ 2 ەيس، 1 برەيكتەن (7 برەيك- پوينت) اسا المادى.
ا. نەدوۆەسوۆ پەن ف. كابرالدىڭ جارتىلاي فينالداعى قارسىلاستارى كەيىن انىقتالادى.
بۇدان بۇرىن وسى جارىستا تاعى ءبىر قازاقستاندىق اندرەي گولۋبيەۆ ۋكراينالىق دەنيس مولچانوۆپەن بىرگە جارتىلاي فينالعا وتكەن بولاتىن.
ەسكە سالا كەتەيىك، بۇدان بۇرىن ەلەنا رىباكينانىڭ شتۋتگارت تۋرنيرىن جەڭىسپەن باستاعانىن جازعان بولاتىنبىز.
سونداي-اق قازاقستاندا العاش رەت تەننيستەن الەم چەمپيوناتىنىڭ ىرىكتەۋ سايىستارى وتەدى.
قازاقستاندىق تەننيسشى بوسنياداعى جارىستىڭ جارتىلاي فينالىنا شىقتى.
