تەرروريزم اكتىسى تۋرالى حابارلاعاندارعا قانشا سىياقى تولەنەدى

استانا. قازاقپارات – ق ر ۇلتتىق قاۋىپسىزدىك كوميتەتى ءتوراعاسىنىڭ تەرروريزم اكتىسىنىڭ الدىن الۋعا نەمەسە ونىڭ جولىن كەسۋگە كومەكتەسەتىن اقپارات ۇسىنعان ادامدارعا سىياقى بەرۋ تۋرالى بۇيرىعى جاريالاندى، دەپ حابارلايدى قازاقپارات ءتىلشىسى.

«ق ر ۇلتتىق قاۋىپسىزدىك نەمەسە ىشكى ىستەر ورگاندارىنا تەرروريزم اكتىسىنىڭ الدىن الۋعا نەمەسە جولىن كەسۋگە كومەكتەسكەن اقپاراتتى حابارلاعان ادامدارعا ۇ ق ك نەمەسە ونىڭ اۋماقتىق ورگاندارى سىياقى تولەيدى»، - دەپ جازىلعان اشىق ن ق ا پورتالىندا جاريالانعان قۇجاتتا.

ءبىرجولعى سىياقى مىنا مولشەردە بەلگىلەنەدى جانە تولەنەدى:

- ق ر قىلمىستىق كودەكسىنىڭ 255-بابىنىڭ ءبىرىنشى جانە ەكىنشى بولىكتەرىندە كوزدەلگەن تەرروريزم اكتىسى تۋرالى قىلمىستىق ىستەر بويىنشا -750 ا ە ك (2587500 تەڭگە)؛

- ق ر قىلمىستىق كودەكسىنىڭ 255-بابىنىڭ ءۇشىنشى جانە ءتورتىنشى بولىكتەرىندە كوزدەلگەن تەرروريزم اكتىسى تۋرالى قىلمىستىق ىستەر بويىنشا - 1000 ا ە ك (3450000 تەڭگە).

قۇجاتتا كورسەتىلگەندەي، سىياقى اقپاراتتى حابارلاعان ادامنىڭ مالىمەتى دالەلدى جانە ول كىنالى ادامعا ناقتى قاتىستى بولسا عانا تولەنەدى.

بۇيرىق جوباسى 4- مامىرعا دەيىن كوپشىلىك تالقىلاۋدا بولادى.