جۇرگىزۋشى كۋالىگىن بەرۋ سالاسىندا وزگەرىس ەنگىزۋ ۇسىنىلدى
«قازاقستاندا جىل سايىن 10-15 مىڭ جول-كولىك وقيعاسى تىركەلسە، سالدارىنان 2 مىڭعا جۋىق ادامدار قازا تابادى، ياعني جىل سايىن جول ۇستىندە ۇلكەن ءبىر اۋىل تۇرعىندارىنىڭ جوق بولىپ كەتۋىمەن پارا-پار. 30 جىلدا جول اپاتىنان قايتقانداردىڭ سانى اۋعان سوعىسىندا قازا تاپقان ك س ر و اسكەر سانىنان 4 ەسە اسىپ وتىر. جول اپاتى سالدارىنان بولاتىن ەكونوميكالىق شىعىننىڭ كولەمى جىلدىق جالپى ىشكى ءونىمنىڭ %3 قۇرايدى. جول اپاتىنان قازا تاپقانداردىڭ سانى جىل سايىن ءوسىپ كەلەدى»، - دەدى و. قۇسپەكوۆا ق ر ۇكىمەت باسشىسىنىڭ اتىنا جولداعان ساۋالىندا.
ساراپشىلاردىڭ پايىمداۋىنشا، جول-كولىك وقيعالارىنىڭ كوبەيۋىنىڭ نەگىزگى سەبەبى - ەمتيحاندى تاپسىرماي-اق جۇرگىزۋشى كۋالىگىن ەش كەدەرگىسىز وپ-وڭاي الۋ مۇمكىندىگى. ونداي كومەكتى ەمتيحاندى وتكىزۋدى ۇتىپ العان مەردىگەر كومپانيانىڭ قىزمەتكەرلەرى دە، ارناۋلى حالىققا قىزمەت كورسەتۋ قىزمەتكەرلەرى دە ۇسىنىپ ءجۇر. جىل سايىن جول ەرەجەلەرى ەمتيحانىن تاپسىرۋشىلاردىڭ سانى ورتاشا ەسەپپەن 424 مىڭ ادامدى قۇرايدى. شامامەن ولاردىڭ 10 پايىزى - 42 مىڭ ادام كۋالىكتى ساتىپ السا، ساتۋدان تۇسكەن قاراجاتتىڭ كولەڭكەلى اينالىمى جىل سايىن 8 ميلليارد تەڭگەدەن اسادى.
«ادام ولىمىنە اكەلەتىن وسىنداي قىلمىستاردىڭ ءورشىپ تۇرۋىنا نەگە جول بەرىلىپ وتىر؟ «ازاماتتارعا ارنالعان ۇكىمەت» مەملەكەتتىك كورپوراتسياسى جۇرگىزۋشى كۋالىگىن الۋعا ەمتيحانداردى قابىلداۋ جونىندەگى قىزمەت ءتۇرىن ءۇشىنشى تۇلعاعا زاڭسىز نەگىزدە بەرىپ وتىر. بۇل قىزمەت ءتۇرىن نارىققا بەرۋ تۋرالى شارت ەشقانداي زاڭدا قاراستىرىلماعان. مەردىگەر كومپانياعا اقپاراتتىق قاۋىپسىزدىك پەن قۇرىلعىلارعا قاتىستى قويىلاتىن تالاپتار ەسكەرىلمەگەن. جۇرگىزۋشى كۋالىگىن الۋ كەزىندە سىبايلاس جەمقورلىققا جول بەرىلگەندىكتەن، بۇل قىزمەت ءتۇرىن «ازاماتتارعا ارنالعان ۇكىمەت» مەملەكەتتىك كورپوراتسياسى قۇزىرەتتىلىگى اياسىنان الىپ تاستاۋ ۇسىنىلىپ وتىر»، - دەدى دەپۋتات.
«سونىمەن قاتار ول اتالعان ماسەلە بويىنشا ىشكى ىستەر، سيفرلىق دامۋ، مينيسترلىكتەرى، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىكتەرىنىڭ قاتىسۋىمەن كەڭەسشى ورگان قۇرۋدى ۇسىندى.
«سىبايلاس جەمقورلىق بەلگىلەرى بار تاۋەكەلدەرگە تۇبەگەيلى تالداۋ جاساپ، بولاشاقتا ولارلى بولدىرماۋ جايلى مەحانيزمدى ەنگىزۋدى، سونداي-اق اتالمىش مەملەكەتتىك قىزمەت ءتۇرىن باسەكەلەستىك جاعدايىندا جانە قازاقستان زاڭدارىن ساقتاي وتىرىپ نارىققا بەرۋدى ۇسىنامىن»، - دەدى ولجاس قۇسپەكوۆ.
