سەرىك كۇدەبايەۆ قازاقستان شەكاراسىن قاي جەردەن كەسكەن بولۋى مۇمكىن ەكەنى ايتىلدى

استانا. قازاقپارات - ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - شەكارا قىزمەتىنىڭ ديرەكتورى ەرلان الداجۇمانوۆ سەرىك كۇدەبايەۆتىڭ قازاقستان شەكاراسىن قالاي كەسىپ وتكەنى تۋرالى بولجامىن ايتتى، دەپ حابارلايدى قازاقپارات ءتىلشىسى.

سەنات كۋلۋارىندا ب ا ق وكىلدەرى ۇ ق ك وكىلىنەن سەرىك كۇدەبايەۆتىڭ قازاقستان شەكاراسىن قالاي كەسىپ وتكەنى تۋرالى سۇرادى.

«بولجامدار بار. تاۋمەن كەتكەن دەگەن تۇسپالىمىز بار. ءوزى تۋعان جەردەگى ەلدى مەكەننەن الىس ەمەس ماڭدا، تاۋ ىشىندە ونىڭ شارۋا قوجالىعى بار. جول كورسەتەتىن جاقسى سەرىكتەرى بولعان دا شىعار. ءبىز تاۋ ارقىلى شەكارادان شىعىپ كەتكەن دەگەن نۇسقانى قاراستىرىپ وتىرمىز»، - دەدى شەكارا قىزمەتىنىڭ ديرەكتورى.

ەسكە سالساق، باس پروكۋراتۋرا سەرىك كۇدەبايەۆتىڭ قاشىپ كەتۋ فاكتىسىنە قىلمىستىق ءىس قوزعادى.

سونداي-اق سەرىك كۇدەبايەۆقا حالىقارالىق ىزدەۋ جاريالاندى.