10:06, 20 - ءساۋىر 2023 | GMT +5
قازاق-قىتاي اراسىنداعى توقتاپ تۇرعان «قورعاس» ورتالىعى قايتا ىسكە قوسىلادى
تالدىقورعان. قازاقپارات - پاندەميا باستالعالى بەرى جۇمىسى توقتاپ تۇرعان «قورعاس» شەكارا ماڭى ىنتىماقتاستىعى حالىقارالىق ورتالىعى جاقىندا جۇمىسىن قايتا باستايدى، - دەپ حابارلايدى قازاقپارات ءتىلشىسى.
«وزدەرىڭىز بىلەتىندەي، «قورعاس» ش ى ح و الەمدەگى ەپيدەميولوگيالىق جاعدايعا بايلانىستى جۇمىسىن توقتاتقانىنا 3 جىلدان استام ۋاقىت ءوتتى. وسى ءۇش جىل ىشىندە باسقارۋشى كومپانيا ورتالىقتىڭ قىزمەتىن جاقسارتۋ جانە بارلىق بيزنەس-پروتسەستەرىن جاڭعىرتۋ بويىنشا اۋقىمدى جۇمىستار اتقاردى»، - دەلىنگەن جەتىسۋ وبلىسى اكىمدىگىنىڭ باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، اتالعان ورتالىق 24-ساۋىردەن باستاپ جۇمىس باستايدى.
ايتا كەتەيىك، «قورعاس» ورتالىعىندا قازاقستان مەن قىتاي تاراپتارىنىڭ وكىلدەرى ساۋدامەن اينالىسادى. ول جەردە كوپتەگەن ساۋدا ورىندارى ورنالاسقان. باعا نارىقتان بىرنەشە ەسە ارزان.
