08:09, 20 - ءساۋىر 2023 | GMT +5
شىڭعىس ايتماتوۆتىڭ شىعارمالارىنا ارنالعان مونەتالار - فوتو
بىشكەك. كابار- قازاقپارات - شىڭعىس ايتماتوۆتىڭ شىعارمالارىنا ارنالعان بىرنەشە مونەتا بار.
ولار قىرعىز ەلىندە 2009 -جىلدان بەرى تولەم قۇرالى رەتىندە اينالىمدا، دەپ حابارلايدى قازاقپارات «كابار» اگەنتتىگىنە سىلتەمە جاساپ.
اگەنتتىك تاراتقان اقپاراتقا ساي، قىرعىز رەسپۋبليكاسىنىڭ ۇلتتىق بانكى شىڭعىس ايتماتوۆتىڭ شىعارمالارىنا ارنالعان بىرنەشە مونەتا بارىن ەسكە سالعان. اتاپ ايتقاندا، «ش. ايتماتوۆ»، «ءجاميلا» ، «ءبىرىنشى مۇعالىم»، «انا الاڭى»، «قوش بول، گۇلسارى!» جانە «اق كەمە» ەستەلىك مونەتالارى شىعارىلعان.
مونەتالار 2009 -جىلعى 4-مامىردان بەرى اينالىمدا جانە رەسپۋبليكا اۋماعىندا رەسمي تولەم قۇرالى بولىپ سانالادى. ءبىر قوبديشادا 6 مونەتادان تۇراتىن جيىنتىق بولادى. ءار مونەتاعا سەرتيفيكات پەن سيپاتتاما قاعازى بەرىلگەن.
