ەلوردادا رەسەي ازاماتىنان دەنگە بەزگەگى انىقتالدى - باس سانيتاريالىق دارىگەر

استانا. قازاقپارات - رەسەي فەدەراتسياسىنىڭ ازاماتىنان وزگە ەلدەن جۇقتىرعان دەنگە بەزگەگى انىقتالدى.

ب ا ق وكىلدەرىنىڭ قاتىسۋىمەن وتكەن بريفينگىدە استانا قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆا وسىلاي مالىمدەدى، دەپ حابارلايدى قازاقپارات ءتىلشىسى.

«جۇرگىزىلىپ جاتقان جۇمىستارعا قاراماستان 8 ينفەكتسيا بويىنشا سىرقاتتانۋشىلىقتىڭ ءوسۋى بايقالادى. ولار: سالمونەللەز - %23، ۆيرۋستىق گەپاتيت ا - %22، ءجىتى ىشەك ينفەكتسياسى - %8، تۇماۋ 20 ەسە، جرۆي 4 ەسە، باكتەريالىق مەنينگيت - 2 ەسە، قىزىلشا 7 جانە ديزەنتەريا 4 جاعدايعا ءوستى. سونداي- اق، رەسەي فەدەراتسياسىنىڭ ازاماتىندا وزگە ەلدەن جۇقتىرعان دەنگە بەزگەگىنىڭ جاعدايى تىركەلدى»، - دەپ توقتالدى ول.

سارحات بەيسەنوۆانىڭ ايتۋىنشا، كوروناۆيرۋستىق ينفەكتسيا بويىنشا ەپيدەميولوگيالىق جاعدايدى باعالاۋ ماتريتساسىنا سايكەس، استانا قالاسى وتكەن جىلدان بەرى جاسىل ايماقتا تۇر.

سىرقات تانۋشىلىق كورسەتكىشى بىلتىرمەن سالىستىرعاندا 52,7 ەسەگە تومەندەدى. قازىر تاۋلىگىنە 5-15 جاعداي تىركەلەدى.