الاياقتار ءسىزدىڭ اتىڭىزدان نەسيە السا نە ىستەۋ كەرەك؟

استانا. قازاقپارات - الاياقتار ادامداردىڭ جەكە دەرەكتەرىن ۇرلاۋ ءۇشىن جانە ولاردى ءوز ماقساتتارىنا پايدالانۋ ءۇشىن ءارتۇرلى سحەمالاردى ويلاپ تابادى.

مىسالى، ولار ءسىزدىڭ اتىڭىزدان نەسيە الۋى مۇمكىن. ءوزىڭىز الماعان نەسيە بويىنشا قارىز بار ەكەنىن بىلگەن كەزدە نە ىستەۋ كەرەك؟

مۇنداي نەسيەدەن قۇتىلۋ جولدارىن ادۆوكات ەلنۋرا كىشكەنەبايەۆا ءوزىنىڭ ينستاگرام پاراقشاسىندا جازدى، - دەپ حابارلايدى Massaget.kz ءتىلشىسى.

ادۆوكات ەلنۋرا كىشكەنەبايەۆا ءسىزدىڭ اتىڭىزعا بىرەۋ نەسيە راسىمدەگەن بولسا، مىنا جولدار بويىنشا ارەكەت ەتۋدى ۇسىندى:

1. نەسيەنى بەرگەن كرەديتتىك ۇيىمنىڭ اتاۋىن ءبىلۋ قاجەت. ول ءۇشىن نەسيە تاريحى كومەكتەسە الادى. ولاردىڭ بازاسىندا ءار بانك پەن ۇيىمنىڭ، قارىز الۋشىلار جايىندا مالىمەت بار.

2. قۇقىق قورعاۋ ورگانىنا ارىز جازۋ كەرەك. ادامنىڭ جازۋىن تانىپ ايىراتىن ساراپتاما تاعايىندالۋى ءتيىس. ول كرەديت تۋرالى كەلىسىمشارتقا قول قويماعانىن دالەلدەيدى.

3. الاياقتار قاي بانكتە راسىمدەگەنىن انىقتاعاننان كەيىن سول بانككە بارىپ، قولداعى اقپاراتتى كورسەتىپ، ارىز جازۋ كەرەك.

4. بانكتەن مىندەتتى تۇردە:

▪قىزمەتتىك تەكسەرىستى جۇرگىزگەنىن تالاپ ەتىڭىز؛

▪ءسىزدىڭ ارىزىڭىزدى تىركەپ، ءسىزدىڭ كوشىرمەڭىزدە قابىلداعان كۇنى مەن تىركەۋ نومەرىن قويۋ ءتيىس؛

▪نەسيە تۋرالى كەلىسىمشارت كوشىرمەسىن جانە وزگە دە قۇجاتتاردىڭ كوشىرمەسىن بەرۋگە تالاپ ەتىڭىز.

📍ەگەر نەسيە كرەديتوماتتا بەرىلسە، بەينەكامەرادان كورۋگە بولادى.

📍ەگەر ونلاين قارىز بولسا، پوليتسيا IP كومەگىمەن انىقتايدى.

ەسكەرتۋ: ەگەر كرەديتتىك ۇيىم اقشانى ءسىزدىڭ العانىڭىزدى دالەلدەي الماسا، كەلىسىمدى جارامسىز دەپ تانۋعا سوتقا تالاپ-ارىز بەرۋگە بولادى.