ونكولوگ دارىگەر قىجىلدى ەلەمەي قويۋدىڭ قاۋىپتى ەكەنىن ايتتى
ومىرىڭىزدە كەم دەگەندە ءبىر رەت قىجىل بولعانى انىق - مىسالى، مەرەكەلىك داستارحان نەمەسە بەلگىلى ءبىر تاعامداردان كەيىن (قۋىرىلعان، تۇزدى نەمەسە تىم مايلى تاعامدار). بۇل جاعداي تابيعي قۇبىلىس. قىجىلدان اسقازاندا جانۋ سەزىمى، اسقازان اۋرۋى، كەيدە ازداپ جۇرەك اينۋىن سەزىنەسىز، ءبىراق ۋاقىت وتە كەلە ءدارى ىشكەندە نەمەسە ساعىز شايناعان كەزدە باسىلادى.
ءبىراق قىجىل ءسىزدى كۇن سايىن مازالايتىن بولسا شە؟ ونكولوگ يۆان كاراسيەۆ ءوزىنىڭ تەلەگرام- كانالىندا مۇنداي سيمپتومدى ەلەمەۋگە بولمايتىنىن ەسكەرتەدى.
نەلىكتەن قىجىل پايدا بولادى؟
قىجىل ۇنەمى مازالاي باستاسا، بۇل ءسىزدىڭ دەنەڭىزدىڭ بۇزىلۋىنىڭ ايقىن سيمپتومى. ادام تاماق ىشكەن كەزدە تاماق وڭەش ارقىلى تىكەلەي اسقازانعا تۇسەدى. وڭەشتىڭ سوڭىندا تاعامنىڭ تەك ءبىر باعىتتا وتۋىنە مۇمكىندىك بەرەتىن ارنايى كلاپان بار. تاماق اسقازانعا تۇسكەننەن كەيىن كلاپان جابىلىپ، اس قورىتۋ پروتسەسى باستالادى.
اسقازانىمىزدا تاعامنىڭ قورىتىلۋى ءۇشىن تۇز قىشقىلى بار. ادەتتە، بۇل ىڭعايسىزدىقتى تۋدىرمايدى، تاماقتانعاننان كەيىن سىزدە اۋىرسىنۋ نەمەسە كۇيدىرەتىن سەزىم بولماۋى كەرەك. ءبىراق قىشقىل وڭەشكە تۇسكەندە، ىڭعايسىز سەزىمدەر پايدا بولادى؟
قىجىلعا قاشان ءمان بەرۋ كەرەك؟
مايلى نەمەسە تىم اشى تاعامداردى كوپ جەپ، سودان كەيىن جاعىمسىز بەلگىلەردى بايقاساڭىز، الاڭدايتىن ەشتەڭە جوق.
ءبىراق ەگەر ءسىز ادەتتەگى تاعامدى جەسەڭىز جانە قىجىل ءسىزدى اپتاسىنا ءبىر رەت نەمەسە كۇندە مازالايتىن بولسا، تەكسەرۋدەن وتكەن ءجون. دارىگەر گاستروسكوپياعا بارۋدى ۇسىنادى: بۇل پروتسەدۋرا جاعىمسىز قۇبىلىستىڭ سەبەبىن ءتيىمدى انىقتاۋعا كومەكتەسەدى.
كوبىنەسە قىجىل كلاپاننىڭ اقاۋىن كورسەتەدى. ول سونداي-اق مىنا اۋرۋلار سەبەنىنەن دە بولۋى مۇمكىن:
• گاستريت، ويىق جارانىڭ ءبىرىنشى سيمپتومى؛
• اسقازاننىڭ قىشقىلدىعىمەن بايلانىستى ماسەلەلەردى كورسەتەدى؛
• اسقازانداعى ىسىك پروتسەستەرىن كورسەتەدى.
