مەملەكەت باسشىسى باعانى تۇراقتاندىرۋ قورلارىنىڭ جۇمىسىن سىنعا الدى
«وتاندىق ءونىم كولەمىن ارتتىرۋدان بولەك باعانىڭ كۇرت ءوسۋىن بولدىرماۋ ءۇشىن تۇراقتاندىرۋ قورلارىن دۇرىس پايدالانۋ قاجەت. بۇگىندە ولار شاشىراڭقى ءارى جابىق ارەكەت ەتىپ وتىر. سىبايلاس جەمقورلىق سحەمالارى ۇدايى اشكەرە بولىپ جاتىر. سوندىقتان ازىق-تۇلىك كورپوراتسياسى مەن الەۋمەتتىك-كاسىپكەرلىك كورپوراتسيالارداعى تۇراقتاندىرۋ قورلارىنىڭ نەگىزگى ماڭىزعا يە تاۋار باعاسىن ينتەرۆەنسيالاۋ مەن ساتىپ الۋداعى الەۋەتىن پايدالانىپ، ۇيلەستىرۋ جۇمىستارىن كۇشەيتۋ كەرەك»، - دەدى پرەزيدەنت.
مەملەكەت باسشىسىنىڭ پايىمىنشا، بۇل باعىتتاعى تاسىلدەردىڭ بىرىزدىلىگى، مەملەكەتتىك كومپانيالاردىڭ باعا اۋىتقۋىن تومەندەتۋگە باعدارلانۋى ينفلياتسياعا قارسى نارىقتىق قۇرال قالىپتاستىرۋعا مۇمكىندىك بەرمەك.
ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس ءوتىپ جاتىر.
