قازاقستان كىمگە جانە قانشا قارىز؟
قارجى مينيسترلىگى مالىمەتىنشە، بۇل مەملەكەتتىك قارىز سوماسى 2023 -جىلعى 1-قاڭتارداعى جاعداي بويىنشا قالىپتاسقان. ۆەدومستۆو بۇل سومانىڭ 47 ميلليارد دوللارى نەمەسە 22 تريلليون تەڭگەدەن استامى ۇكىمەتتىك قارىز ەكەنىن ناقتىلادى. ونىڭ ىشىندە سىرتقى قارىز 7 تريلليون تەڭگەدەن اسادى (16 ميلليارد دوللاردان اسا).
ال ۇكىمەت بورىشىنىڭ باسىم بولىگى، ياعني 14 تريلليون تەڭگەدەن استامى - ىشكى بورىش.
ۆەدومستۆو مالىمەتىنە سايكەس، ىشكى بورىشتىڭ باسىم بولىگىن، ياعني 10,9 تريلليون تەڭگەدەن استامىن مەملەكەتتىك ۇزاق مەرزىمدى قازىناشىلىق مىندەتتەمەلەر قۇرايدى. 1,2 تريلليون تەڭگەدەن استامى - مەملەكەتتىك ورتا مەرزىمدى قازىناشىلىق مىندەتتەمەلەر. سونداي-اق، 1 تريلليون تەڭگەدەن استامى - مەملەكەتتىك ۇزاق مەرزىمدى جيناق قازىناشىلىق مىندەتتەمەلەرى. 814 ميلليارد تەڭگە TONIA مولشەرلەمەسىنە يندەكستەلگەن مەملەكەتتىك قازىناشىلىق مىندەتتەمەلەرگە ساي كەلەدى.
سىرتقى ۇكىمەتتىك قارىز
سىرتقى ۇكىمەتتىك قارىزدىڭ جالپى كولەمىنىڭ كوپ بولىگى - حالىقارالىق قارجى ۇيىمدارىنىڭ نەسيەسى. ولاردىڭ ىشىندە حالىقارالىق قايتا قۇرۋ جانە دامۋ بانكىنە 1,6 تريلليون تەڭگە، ەۋروپالىق قايتا قۇرۋ جانە دامۋ بانكىنە 54 ميلليارد تەڭگەدەن استام، ازيا دامۋ بانكى جانە يسلام دامۋ بانكىنە 908 ميلليارد تەڭگەدەن استام جانە 38 ميلليارد تەڭگەدەن استام قارىز. ازيالىق ينفراقۇرىلىمدىق ينۆەستيتسيا بانكىنە قارىزى 326 ميلليارد تەڭگەدەن اسادى. قىتاي حالىق رەسپۋبليكاسىنىڭ ەكسپورتتىق- يمپورتتىق بانكىنە 56,8 ميلليارد تەڭگەدەن اسسا، شەتەلدىك كوممەرتسيالىق بانكتەرگە 92,5 ميلليارد تەڭگەدەن اسادى.
رەسەي نارىعىندا ورنالاستىرىلعان مەملەكەتتىك باعالى قاعازدار 514 ميلليارد تەڭگەدەن اسادى.
سىرتقى ۇكىمەتتىك قارىزعا شەتەلدىك كوممەرتسيالىق بانكتەردىڭ، شەت مەملەكەتتەردىڭ ۇكىمەتتىك ۇيىمدارىنىڭ قارىزدارى كىرەدى. ولاردىڭ ىشىندە اراب ەكونوميكالىق دامۋىنىڭ كۋۆەيت قورىنا 852 ميلليارد تەڭگەدەن اسا قارىز، جاپوندىق حالىقارالىق ىنتىماقتاستىق اگەنتتىگىنە 115 ميلليارد تەڭگەدەن اسا قارىز جانە گەرمانيا ۇكىمەتىنىڭ نەسيە اگەنتتىگىنە ءۇش ميلليارد تەڭگەدەن استام قارىز.
قارجى مينيسترلىگىنىڭ بولجامى بويىنشا مەملەكەتتىك قارىز جالپى ىشكى ءونىمنىڭ 30 پايىزىنان اسپاۋعا ءتيىس. ول ءۇشىن ۆەدومستۆو جوسپارلى جۇمىس جۇرگىزەدى. قارجى ءمينيسترى جاماۋبايەۆتىڭ ايتۋىنشا، مەملەكەتتىك قارىز ماسەلەسى ولار ءۇشىن نەگىزگى ماسەلە سانالادى.
