ءبىرقاتار وڭىردە ۇسىك جۇرەدى: سارسەنبىگە اۋا رايى بولجامى

استانا. قازاقپارات - 19-ساۋىردە اتموسفەرالىق فرونتالدى بولىكتەردىڭ وتۋىمەن رەسپۋبليكانىڭ سولتۇستىگىندە، شىعىسىندا، وڭتۇستىك- شىعىسى مەن ورتالىعىندا كۇن رايىنىڭ تۇراقسىز سيپاتى كۇتىلەدى.

ونىمەن جاڭبىر مەن قار تۇرىندە جاۋىن- شاشىن كۇتىلەدى. ەلىمىزدىڭ سولتۇستىگىندە قار، جاياۋ بۇرقاسىن بولجانادى. تەك باتىستا جانە وڭتۇستىكتە جاۋىن- شاشىن بولمايدى. رەسپۋبليكانىڭ بارلىق اۋماعىندا جەل تۇرىپ، تۇمان بولادى. سولتۇستىكتە، شىعىستا جانە ورتالىقتا - كوكتايعاق، وڭتۇستىك- باتىستا شاڭدى داۋىل تۇرادى.

ءبىرقاتار وڭىردە ۇسىك جۇرەدى:

- تۇندە جەتىسۋ وبلىسىندا 2-7 گرادۋسقا دەيىن؛

- الماتى، جامبىل وبلىستارىندا 1-6 گرادۋسقا دەيىن؛

- تۇركىستان وبلىسىنىڭ سولتۇستىگىندە، تاۋلى اۋداندارىندا، قىزىلوردا وبلىسىنىڭ سولتۇستىگىندە توپىراق بەتىندە 2-3 گرادۋسقا دەيىن.